Anunsio

◼ Oferta di literatura pa febrüari: Hala Serka Yehova. Si e buki aki no ta disponibel, boso por usa e buki Kreashon (tamaño grandi òf chikitu) òf e buki Revelacion su gran culminacion. Mart: Conocimentu cu Ta Hiba na Bida Eterno. Lo hasi un esfuerso spesial pa kuminsá studio di Beibel. Si e personanan tin e publikashon aki kaba, nos por ofresé Presta Atencion na e Profecia di Daniel! Aprel ku mei: Ofresé ehemplarnan individual di tantu E Toren di Vigilansia komo Spièrta! Ora di rebishitá hende interesá, bishitá tambe hendenan ku sa asistí na Memorial òf otro eventonan teokrátiko pero ku no ta asosiá aktivamente ku e organisashon. Ofresé nan prinsipalmente e buki Adorá e Úniko Dios Berdadero. Mester hasi tur esfuerso pa kuminsá un studio di Beibel na kas, spesialmente ku hende ku a studia e buki Conocimentu i e foyeto Rekerí kaba.

◼ E superintendente presidente òf un ruman asigná dor di dje mester kontrolá e kuentanan di kongregashon dia 1 di mart òf mas pronto posibel despues di esei. Ora esei tuma lugá, hasi un anunsio n’e kongregashon despues ku lesa e siguiente informe di kuenta. Lesa tur karta ku ta yama danki pa e kontribushonnan ku e kongregashon a hasi na e obra mundial i na otro fondonan patrosiná dor di e organisashon.

◼ E sekretario i e superintendente di sirbishi mester repasá e aktividat di tur pionero regular. Si un di nan tin problema pa alkansá e rekisito di ora, e ansianonan mester hasi areglo pa dun’é yudansa. Pa haña sugerensia, repasá e kartanan anual S-201-PA.

◼ E tema di e diskurso spesial pa e temporada di Memorial 2004 lo ta “Tene Kurashi i Konfia den Yehova.” Wak e anunsio relashoná ku esaki den Nos Ministerio di Reino di sèptèmber 2003.

◼ Ku hopi plaser nos ta anunsiá publikashon di un DVD na ingles titulá Alternativanan pa Transfushon-Seri di Dokumentario. E DVD aki ta kontené e tres programanan riba vidio ku a sali anteriormente i ku e Anuario 2002 di Testigunan di Yehova ta papia di dje. Den tur tres vidio, siruhanonan bon konosí ta mustra e kontraste ku tin entre e efektividat di proseduranan ku ta usa alternativanan pa transfushon i proseduranan ku ta usa sanger. E rumannan ku ta sirbi den e Komité di Kontakto ku Hospital lo ta enkargá ku distribushon di e DVD aki na dòkter- i studiantenan di medisina. Pero boso por kompartí e programa aki libremente ku studiantenan di Beibel, ku kasá i famianan ku no ta Testigu, maestronan di skol i koleganan di trabou i di skol. Kongregashonnan por entregá nan pedido pa e DVD huntu ku nan siguiente pedido di literatura. Segun ku e DVD aki ta bira disponibel na otro idioma, nos lo anunsiá esaki.