Programa di Reunion di Sirbishi

Siman di 8 di Mart

Kantika 37

10 min: Anunsio lokal. Anunsionan selektá for di Nos Ministerio di Reino. Kòrda tur presente pa otro siman nan bin ku e foyeto nobo “Mira e Tera Bunita,” pa e Reunion di Sirbishi. Usando e sugerensianan na página 6, tene dos demostrashon ku ta mustra kon pa presentá E Toren di Vigilansia di 1 di mart i e Spièrta! di 8 di mart.

15 min: Usa Tratado pa Kuminsá Kòmbersashon. Konsiderashon ku ouditorio. Hopi bes e parti mas difísil di duna testimonio ta pa kuminsá un kòmbersashon. Por usa tratado pa vense e opstákulo ei den e trabou di duna testimonio di kas pa kas, den teritorio di negoshi i den lugánan públiko. Repasá brevemente dos òf tres tratado ku lo por atraé hende den e teritorio lokal. Ki palabranan lo bo por usa den bo introdukshon pa presentá e tratadonan aki? Kon lo bo por usa e plachinan? Ki preguntanan lo bo por hasi ku takto? Di kada tratado, hala atenshon na un paragraf ku nos lo por konsiderá si e doño di kas mustra interes. Tene un demostrashon ku ta mustra kon por kuminsá un kòmbersashon usando un tratado. Laga e publikadó konsiderá brevemente un paragraf for di e tratado, i na final ofresé e buki Conocimentu.

20 min: “Stima Yehova, Boso Tur Ku Ta Leal.”a Ora ta konsiderá paragraf 3, pidi e ouditorio pa konta kon nan a invitá hende pa e selebrashon di e Memorial.

Kantika 131 i orashon di konklushon.

Siman di 15 di Mart

Kantika 121

10 min: Anunsio lokal. Repasá puntonan prinsipal di “Rekordatorionan pa Memorial.” Anunsiá ki dia lo tene e Studio di Toren di Vigilansia pa e siman di Memorial.

15 min: Informe Aktualisá di e Aktividat Spesial Durante e Temporada di Memorial. Konsiderashon ku ouditorio na enkargo di e superintendente di sirbishi. Menshoná areglonan spesial ku a ser hasí. Relatá algun eksperensia ku publikadónan tabatin. Animá rumannan ku por, pa inskribí pa traha pionero ousiliar durante aprel ku mei. Repasá algun punto brevemente for di e suplemento di Nos Ministerio di Reino di febrüari.

20 min: Benefisiá di e foyeto “Mira e Tera Bunita.” E foyeto nobo aki por hasi nos lesamentu i studio di e Palabra di Dios mas signifikante. Pa nos us’é bon, su indèks ta hopi importante. Lesa Isaias 63:1 ku ta deskribí Yehova biniendo for di Bosra. Invitá tur persona pa buska e palabra Bosra den e indèks di “Tera Bunita.” Usando e kuadro na página 34, splika kiko “Bosra 11 G11” ta nifiká, i buska Bosra i Edòm riba e mapa indiká. Usa e indèks pa buska e ruta ku Hesus a tuma di Yerusalèm pa Sikar. (Juan 4:3-5) Hasi meskos pa lokalisá e tanki di Betèsda. (Juan 5:1-3) Selektá un òf dos ehèmpel mas for di e lesamentu semanal di Beibel pa e Skol di Ministerio Teokrátiko. Invitá e ouditorio pa splika unda por haña e sitionan ei den e foyeto i kon nos ta benefisiá dor di konsultá e mapanan. Resaltá brevemente algun di e mapanan ku e foyeto ta kontené, señalando n’e periodo di tempu ku nan ta kubri. E mapa na página 18-19 tin e kantidat mas grandi di sitionan bíbliko. Urgi tur presente pa hasi bon uso di e foyeto “Mira e Tera Bunita.”

Kantika 63 i orashon di konklushon.

Siman di 22 di Mart

Kantika 191

10 min: Anunsio lokal. Informe di kuenta. Kòrda tur presente pa sigui e lesamentu di Beibel pa Memorial programá pa 30 di mart–4 di aprel, den Eksaminando e Skritura Diariamente—2004 òf riba e Kalènder 2004.

15 min: Nesesidat lokal.

20 min: “Un Atake di Kabayeria Ku Ta Enbolbé Bo.”b Segun ku tempu ta permití lesa i konsiderá e tekstonan menshoná.

Kantika 181 i orashon di konklushon.

Siman di 29 di Mart

Kantika 129

10 min: Anunsio lokal. Kòrda tur publikadó pa entregá nan rapòrt di sirbishi di vèlt pa e luna di mart. Menshoná e oferta di literatura pa aprel. Usando e sugerensianan na página 6, tene dos demostrashon ku ta mustra kon pa presentá E Toren di Vigilansia di 15 di mart i e ¡Despertad! di 22 di mart.

15 min: Hasi Bon Uso di Anuario 2004. Diskurso i konsiderashon ku ouditorio. Menshoná puntonan sobresaliente for di “Un Karta di Kuerpo Gobernante,” na página 3 i 4 di e suplemento di e Ministerio di Reino aki i resaltá e sifranan den e rapòrt mundial i algun eksperensia ku ta fortalesé fe. Animá tur hende pa lesa e buki kompletu durante aña.

20 min: E Bèrdat Ta Uni Famianan. Diskurso i konsiderashon ku ouditorio. Sa sosodé ku algun hende interesá ta stòp di sirbi Yehova pa motibu di oposishon di parti di miembronan di famia. Laga rumannan relatá algun di e siguiente eksperensianan: E Toren di Vigilansia di 1 di yanüari 2002, página 14-15; E Toren di Vigilansia di 1 di desèmber 2000, página 8; E Toren di Vigilansia di 1 di sèptèmber 1999, página 32; E Toren di Vigilansia di 1 di yanüari 1999, página 4 i ¡Despertad! di 22 di febrüari 1998, página 31. Enfatisá ku un bida di famia ta mehorá asta ora ku ta ún miembro di e famia so ta apliká prinsipionan bíbliko.

Kantika 130 i orashon di konklushon.

Siman di 5 di Aprel

Kantika 126

10 min: Anunsio lokal.

20 min: Limpiesa Físiko Ta Rekomendá Nos. Un diskurso basá riba E Toren di Vigilansia di 1 di yüni 2002, página 19-21. Inkluí un demostrashon den kua un ansiano ta mustra un pionero kon ku takto, usando lès 9, paragraf 5, den e foyeto Rekerí, e por yuda un studiante di Beibel mira e importansia di tene su kas i kurá limpi.

15 min: Relatá eksperensianan relashoná ku selebrashon di Memorial i e aktividat èkstra di sirbishi durante e luna di mart.

Kantika 25 i orashon di konklushon.

[Footnotes]