Programa di Reunion di Sirbishi

Siman di 12 di Yüli

Kantika 108

12 min: Anunsio lokal. Anunsio selektá for di Nos Ministerio di Reino. Usando e sugerensianan na página 4, tene dos demostrashon ku ta mustra kon pa presentá E Toren di Vigilansia di 1 di yüli i e Spièrta! di 8 di yüli. Den un di e presentashonnan, demostrá kon ta ofresé un revista na un persona riba kaya ku no ta papia bo idioma bon.

18 min: “Imitá Yehova Su Hustisia.”a Segun tempu permití, pidi ouditorio pa komentá riba e tekstonan menshoná den e artíkulo.

15 min: Beibel—Un Buki di Profesianan Konfiabel. Diskurso ku partisipashon di ouditorio basá riba e foyeto Un Buki pa Tur Hende, página 27-9. Den sirbishi, hopi bes nos ta topa hende ku ta interesá den futuro. Beibel ta duna informashon konfiabel ku ta deskribí un futuro briante pa humanidat obediente. Konsiderá algun profesia bíbliko ku ta fortalesé nos konfiansa den loke Beibel a predisí pa futuro. Laga un publikadó demostrá brevemente kon por usa susesonan bíbliko pa yuda un persona interesá edifiká su konfiansa den Beibel.

Kantika 16 i orashon di konklushon.

Siman di 19 di Yüli

Kantika 83

10 min: Anunsio lokal. Konsiderá e importansia di mantené un programa regular di lesa Beibel tur dia, asta ora ku aktividatnan di fakansi ta saka nos for di nos rutina normal. Inkluí komentario for di E Toren di Vigilansia di 15 di ougùstùs 2000, página 32.

15 min: Nesesidat lokal.

20 min: “Kon pa Kondusí Studio di Beibel Progresivo—Parti 1.” Un diskurso na enkargo di e superintendente di sirbishi. Permití e ouditorio komentá riba e informashon di e buki Proklamadónan, página 572-4, ku ta deskribí kon e trabou di studio di Beibel a desaroyá den tempu moderno. Krea entusiasmo pa e seri di artíkulo ku lo bin. Entre e tópikonan ku lo ser konsiderá tin kon pa prepará pa kondusí e studio, kon pa yuda e studiante prepará, kuantu informashon mester kubri, kon pa usa tekstonan bíbliko na un manera efektivo, kon pa trata pregunta ku e studiante hasi, kon pa introdusí orashon i kon pa dirigí e studiante na e organisashon. Animá tur publikadó pa apliká e sugerensianan presentá i pa warda e artíkulonan aki pa por konsultá nan den futuro.

Kantika 10 i orashon di konklushon.

Siman di 26 di Yüli

Kantika 216

12 min: Anunsio lokal. Informe di kuenta. Kòrda publikadónan pa entregá nan rapòrt di sirbishi di vèlt di yüli. Usando e sugerensianan na página 4, demostrá kon pa presentá E Toren di Vigilansia di 15 di yüli i e ¡Despertad! di 22 di yüli. Den kada presentashon, mustra un otro manera pa trata ku e opheshon “Pakiko boso ta pasa asina tantu?”—Wak e foyeto chikí Con pa Cuminsá i Continuá Consideracionnan Bíblico, página 12 (òf buki Rasonamentu na spañó, página 20).

8 min: Kaha di Pregunta. Na enkargo di un ansiano. Lesa i trata henter e artíkulo.

25 min: “Kon pa Prediká den Teritorio di Negoshi.”b Menshoná e areglonan lokal ku tin pa traha den teritorio di negoshi. Demostrá brevemente e dos presentashonnan den paragraf 4-5 òf un otro introdukshon ku a resultá efektivo lokalmente. Segun tempu permití, pidi ouditorio pa konta algun eksperensia positivo ku nan tabatin trahando den teritorio di negoshi.

Kantika 173 i orashon di konklushon.

Siman di 2 di Ougùstùs

Kantika 60

8 min: Anunsio lokal.

22 min: Bo Ta Duna Motibu? Diskurso i konsiderashon basá riba e buki Skol di Ministerio, página 254, paragraf 1-2. Ora nos ta splika i apliká tekstonan bíbliko den sirbishi di vèlt i for di plataforma, e siñansa ku nos ta duna lo ta mas efektivo si nos duna motibu pa loke nos ta bisa en bes di djis deklará firmemente ku ta asina tal kos ta. Usando ehèmpelnan for di e buki Rasonamentu òf di otro publikashonnan ku ta apropiá pa e teritorio lokal, mustra kon pa (1) skohe sierto ekspreshonnan klave for di e teksto bíbliko i splika nan, (2) presentá pruebanan adishonal for di e konteksto òf for di un otro teksto bíbliko ku ta referí na e tema, (3) usa un ilustrashon pa demostrá ku loke bo a bisa ta rasonabel i (4) usa pregunta pa yuda bo oyentenan rasoná riba e asuntu. Enfatisá e benefisio di usa e manera aki di rasoná ku hende.

15 min: Eksperensianan lokal. Pidi ouditorio pa konta algun eksperensia edifikante ku nan tabatin te asina leu den e temporada di fakansi aki en konekshon ku asistensia na kongreso di distrito, sirbishi di pionero ousiliar òf partisipashon den otro aktividatnan spiritual.

Kantika 32 i orashon di konklushon.

[Footnotes]