Programa di Reunion di Sirbishi

Siman di 11 di Òktober

Kantika 219

10 min: Anunsio lokal. Anunsio selektá for di Nos Ministerio di Reino. Animá tur presente pa usa e preguntanan na página 1 pa repasá nan notanan komo preparashon pa e Reunion di Sirbishi di otro siman. Durante e reunion ei lo bai konsiderá ku ouditorio e programa di e Kongreso di Distrito “Kana ku Dios.” Si e sugerensianan na página 8 ta práktiko pa boso teritorio, usa nan pa demostrá kon pa presentá E Toren di Vigilansia di 1 di òktober i e Spièrta! di 8 di òktober. Animá e publikadónan pa inkluí un teksto di Beibel den nan presentashon. Por usa otro presentashon realístiko tambe.

15 min: Haña Goso den Yuda Otro Hende. (Juan 4:34) Entrevista. Ta un goso pa mira kon kara di un persona ta kuminsá bria ora e siña e bèrdatnan di e Palabra di Dios. (w94-PA 1/3 pág. 29 §6-7) Entrevistá dos òf tres publikadó òf pionero ku ta bon den usa Beibel den sirbishi i den kuminsá i kondusí studio di Beibel. Kon nan ta kultivá e interes ku nan haña? Ki goso nan ta haña dor di hasi esei? Laga nan relatá òf demostrá un eksperensia ku nan tabatin den sirbishi.

20 min: “Kampaña Spesial pa Distribuí e Foyeto Nobo.”a Na enkargo di e superintendente di sirbishi. Laga rumannan demostrá e presentashonnan ku ta ser sugerí. Den un di e demostrashonnan, e doño di kas ta mustra masha poko interes den e presentashon basá riba Beibel, i e publikadó ta ofres’é un tratado en bes di e foyeto.

Kantika 69 i orashon di konklushon.

Siman di 18 di Òktober

Kantika 127

5 min: Anunsio lokal. Repasá brevemente e areglonan pa e kampaña spesial pa distribuí e foyeto nobo.

40 min: “Kongreso di Distrito Ta Stimulá Nos pa Kana ku Dios.” Na enkargo di un ansiano. Despues di un introdukshon di un minüt òf ménos, tene un konsiderashon ku e ouditorio tokante e programa di kongreso usando e preguntanan den e artíkulo. Parti bo tempu di tal manera ku bo por konsiderá tur e preguntanan, kisas dor di permití solamente ún kontesta riba algun pregunta. Tempu no ta permití pa lesa tur e tekstonan; a pone nan pa yuda e rumannan haña e kontestanan mas fásil. E komentarionan mester enfoká riba e benefisionan ku nos ta risibí dor di apliká loke nos a siña.

Kantika 165 i orashon di konklushon.

Siman di 25 di Òktober

Kantika 56

10 min: Anunsio lokal. Informe di kuenta. Demostrá un presentashon pa ofresé e foyeto nobo ku a duna bon resultado den boso teritorio. Segun tempu ta permití, konta eksperensianan relashoná ku e kampaña spesial.

15 min: Nesesidat lokal.

20 min: Presentá Pruebanan Adishonal pa Apoyá e Palabra di Dios. Konsiderashon ku ouditorio basá riba e buki Skol di Ministerio, página 256-7. Kon nos por usa pruebanan for di fuentenan fuera di Beibel pa yuda hende komprondé ku e Skritura ta rasonabel? Invitá ouditorio pa komentá riba e siguiente preguntanan: Ki ehèmpelnan for di e universo físiko nos por señalá na dje komo evidensia ku ta eksistí un Kreadó? (rs-S pág. 87-9) Kon nos por usa komentarionan di intelektualnan òf ekspertonan pa yuda hende mira ku Beibel realmente ta e Palabra di Dios? (rs-S pág. 65-7) Ki ilustrashon òf komparashon nos por usa pa yuda hende mira pakiko Dios ta permití maldat? (rs-S pág. 196) Ki eksperensia òf ehèmpel bo a yega di usa pa yuda hende komprondé ku ta sabí pa sigui e konseho di Beibel?

Kantika 62 i orashon di konklushon.

Siman di 1 di Novèmber

Kantika 15

10 min: Anunsio lokal. Kòrda tur publikadó pa entregá nan rapòrt di sirbishi.

20 min: Kon pa Yuda Hende Ku Ta Papia un Otro Idioma. Diskurso i konsiderashon ku ouditorio basá riba e prólogo di e foyeto nobo Bon Nobo pa Hende di Tur Nashon. Menshoná e rasgonan di e foyeto nobo. Konsiderá e tres pasonan ku nos por tuma pa yuda hende ku ta papia un idioma ku nos no ta komprondé. Inkluí komentario for di Nos Ministerio di Reino di yüli 2003, página 4. Menshoná ku por lo general mester yena e formulario Por Fabor Atendé (S-43-PA) asta si e persona no a mustra interes den e mensahe di Reino. Inkluí un demostrashon ku ta mustra kon pa usa e foyeto nobo aki.

15 min: Eksperensianan lokal. Invitá ouditorio pa relatá eksperensianan ku nan tabatin te ku awor durante e kampaña spesial pa distribuí e foyeto nobo. Hasi areglo di antemano pa tene demostrashon di eksperensianan sobresaliente. Si e kongregashon su stòk di foyeto ta kabando, pidi rumannan ku tin foyeto di mas pa trese nan bèk na bali di literatura.

Kantika 175 i orashon di konklushon.

[Footnote]