Programa di Reunion di Sirbishi

Siman di 13 di Desèmber

Kantika 47

10 min: Anunsio lokal i Anunsio selektá for di Nos Ministerio di Reino. Enkurashá tur presente pa mira e vidio Sin Sanger—Medisina Ta Aseptá e Reto komo preparashon pa e parti di otro siman. Anunsiá e areglonan spesial di sirbishi di vèlt pa 25 di desèmber i 1 di yanüari. Si e sugerensianan na página 8 ta práktiko pa e teritorio di boso kongregashon, tene dos demostrashon ku ta mustra kon pa presentá E Toren di Vigilansia di 1 di desèmber i e Spièrta! di 8 di desèmber. Por usa otro presentashon realístiko. Demostrá tambe den kada presentashon un manera diferente ku por trata ku e opheshon “Ya kaba mi ta bon konosí ku boso trabou.”—Wak e buki Rasonamentu na spañó, pág. 20 (òf e foyeto chikí Con pa Cuminsá i Continuá Consideracionnan Bíblico, pág. 12).

15 min: “Nos Tin Mester di Bo Yudansa.”aTene un entrevista kòrtiku ku un ansiano. Lag’é konta ta kiko a anim’é pa trata na alkansá e privilegio pa sirbi den kongregashon i kiko a yud’é kualifiká.

20 min: “Kon Nos Por Prediká na Nos Famianan?”b Usa e preguntanan di e artíkulo. Invitá e ouditorio pa komentá brevemente riba kon nan a logra lanta interes di nan famia i duna testimonio na nan.

Kantika 17 i orashon di konklushon.

Siman di 20 di Desèmber

Kantika 68

5 min: Anunsio lokal.

15 min: “Kon e Skol di Ministerio Teokrátiko Ta Benefisiá Nos.” Diskurso na enkargo di e superintendente di skol. Inkluí komentarionan basá riba e suplemento di Nos Ministerio di Reino di òktober 2004. Hasi areglo di antemano pa un òf dos ruman konta kon nan ta benefisiando di e skol.

25 min: “Benefisiá di e Vidio Sin Sanger—Medisina Ta Aseptá e Reto.” Konsiderá e vidio Sin Sanger ku e ouditorio, usando e preguntanan ku tin na página 6. Ora kaba, lesa e último paragraf. Animá tur hende pa nan ta presente e siguiente siman pa e konsiderashon di un provishon nobo pa yuda nos apstené di sanger.

Kantika 50 i orashon di konklushon.

Siman di 27 di Desèmber

Kantika 36

10 min: Anunsio lokal. Informe di kuenta. Kòrda e publikadónan pa entrega nan rapòrt di sirbishi di vèlt di desèmber. Si e sugerensianan na página 8 ta práktiko pa e teritorio di boso kongregashon, tene dos demostrashon ku ta mustra kon pa presentá E Toren di Vigilansia di 15 di desèmber i e ¡Despertad! di 22 di desèmber.

25 min: Obedesé e Mandamentu di Dios pa Apstené di Sanger. Diskurso na enkargo di un ansiano, basá riba e manuskrito ku sukursal a manda. Menshoná na prinsipio ku no mester yena e karchi di DPA awenochi. Miéntras ku e oradó ta lesa e manuskrito, e por agregá komentarionan breve pa enfatisá puntonan importante, pero e no mester bin ku ehèmpelnan òf tekstonan adishonal. Si tempu ta permití, e por lesa tekstonan menshoná òf sita nan. Na puntonan apropiá, hala atenshon na deklarashonnan den e kuadro “Provishon Nobo pa Yuda Nos Apstené di Sanger.” E sekretario mester perkurá pa tur publikadó batisá haña un karchi di DPA i e blachi “Instrukshonnan pa Yena e Karchi di DPA” pa nan por sigui e oradó durante e parti. Tambe e sekretario mester hasi sigur ku tin sufisiente Karchi di Identifikashon disponibel.

10 min: E Papel di Nos Konsenshi. Diskurso na enkargo di un ansiano, basá riba e Toren di Vigilansia di 15 di yüni 2004, página 23-4, paragraf 16-19. Enfatisá ku desishonnan ku tin di haber ku konsenshi ta serio, ya ku nan ta enbolbé nos relashon ku Yehova.

Kantika 8 i orashon di konklushon.

Siman di 3 di Yanüari

Kantika 27

5 min: Anunsio lokal. Menshoná e oferta di literatura pa yanüari.

15 min: “Kon pa Kondusí Studio di Beibel Progresivo—Parti 4.” Despues di un introdukshon di no mas ku un minüt basá riba paragraf 1, tene un demostrashon di sinku minüt basá riba paragraf 2 i 3, den kua esun ku ta kondusí e studio di Beibel ta mustra e studiante kon pa prepará p’e studio. Usa un paragraf di sea e buki Conocimentu òf e foyeto Rekerí den e demostrashon. Sigui ku un konsiderashon mediante pregunta i kontesta di paragraf 2-5, enfatisando e puntonan prinsipal di e demostrashon.

25 min: “Kongreso di Distrito 2005 di Testigunan di Yehova ‘Obedensia na Dios.’”c Na enkargo di e sekretario di kongregashon. Despues di konsiderá paragraf 2, lesa e karta di asignashon di kongreso fechá 15 di desèmber 2004. Enkurashá e publikadónan pa hasi areglo mas pronto posibel pa asistí na e kongreso.

Kantika 79 i orashon di konklushon.

[Footnotes]