Sugerensianan pa Presentá Kiko Ta e Propósito di Bida? Kon Bo Por Haña Sa?
Despues di kumindá e doño di kas, lo bo por bisa:
“Awe bida ta yen di problema i desepshon ku nos no por evitá. Bo ta kere ku tabata e intenshon pa bida ta asina? [Permití e persona kontestá.] E foyeto aki ta mustra ku Dios su propósito original pa humanidat i e tera lo kumpli. [Papia riba e plachi na página 20-1. Kaba lesa paragraf 9, resaltando Isaias 14:24 i 46:11.] E siguiente biaha ku mi bini, lo mi deseá di mustra bo na unda den Beibel tin skirbí ku Dios lo restorá Paradeis riba tera.” Ofres’é e foyeto, i hasi areglo pa bolbe bèk.
Ora bo bolbe bèk, lo bo por bisa:
“Biaha pasá mi a menshoná ku ta Dios su propósito pa hende biba pa semper den Paradeis riba tera. [Mustr’é e plachi na página 20-1 atrobe.] Tuma nota ku Hesus, Pedro i David a papia di Paradeis.” Laga e persona buska su foyeto. Kaba bai na página 21-2, i konsiderá paragraf 10-13. Ofresé un estudio di Beibel, òf hasi areglo pa konsiderá un di e suptemanan na página 29-30 n’e siguiente bishita.
Un publikadó teenager lo por bisa:
“Hopi hóben di mi edat ta insigur tokante futuro. Bo ta kere ku bida di e siguiente generashon lo ta mihó? [Permití e persona kontestá.] Beibel ta papia di un futuro briante pa henter humanidat. [Bai na e plachi na página 31 di e foyeto, anto lesa e komentario di e plachi. Kaba lesa 2 Pedro 3:13.] E foyeto aki ta duna informashon enkuanto e bendishonnan ku Dios tin den futuro pa humanidat. [Hala atenshon na e suptemanan ku lèter diki na página 29-30, i ofresé e foyeto.] Lo mi ke bin bèk pa papia tokante Dios su promesa pa pone fin na tur guera.” Hasi areglo pa bolbe bèk.
Ora bo bolbe bèk, lo bo por bisa:
“E último bes ku mi tabata di bishita, mi a papia un tiki so di Dios su propósito pa restorá Paradeis riba tera. [Bolbe mustr’é e plachi na página 31.] Lo mi tin gana di sa kiko bo ta pensa di Dios su promesa di pone fin na tur guera.” Laga e persona buska su foyeto. Kaba lesa i konsiderá paragraf 3-6 na página 29. Hasi areglo pa konsiderá paragraf 7 i 8 n’e siguiente bishita.
Ora di traha ku un mucha, e adulto lo por introdusí nan tur dos i bisa:
“Ku bo permiso, ________ lo kier a mustra bo un plachi i lesa un teksto for di Beibel. [E mucha ta mustr’é e plachi i ta lesa e komentario di e plachi na página 31, anto despues ta lesa Revelashon 21:4.] E foyeto aki ta splika loke Dios lo hasi tokante e problemanan ku nos ta enfrentá awe. [Brevemente resaltá e suptemanan ku lèter diki na página 29-30, i ofresé e foyeto.] E siguiente biaha lo mi kier a mustra bo kiko Beibel ta bisa tokante fin di tur malesa.”
Ora di hasi e rebishita, e adulto lo por bisa:
“Durante nos último kòmbersashon, mi a menshoná ku lo mi kier a mustra bo kiko Beibel ta bisa tokante fin di tur malesa. Mira loke tin skirbi akinan.” Laga e persona buska su foyeto. Kaba konsiderá paragraf 9-14 na página 29. Ofresé un estudio di Beibel, òf hasi areglo pa konsiderá paragraf 15-17 n’e siguiente bishita.