Programa di Reunion di Sirbishi
Siman di 12 di Desèmber
Kantika 32
10 min: Anunsio lokal. Anunsio selektá for di Nos Ministerio di Reino. Tene dos demostrashon basá riba e sugerensianan na página 8 (si nan ta pas pa boso teritorio), ku ta mustra kon pa presentá E Toren di Vigilansia di 15 di desèmber i e ¡Despertad! di 22 di desèmber. Por usa otro presentashon realístiko tambe. Despues di kada demostrashon, komentá riba e manera fásil ku por inkluí un teksto bíbliko den e presentashon.
15 min: “Un Skol Ku Ta Yuda Nos Hasi Aplikashon Práktiko.” Diskurso na enkargo di e superintendente di skol. Inkluí komentario for di e suplemento di Nos Ministerio di Reino di òktober 2005.
20 min: “Edukashon Ku Ta Hiba na Bida.”a Hasi areglo di antemano pa un òf dos ruman komentá riba e manera ku nan a benefisiá di edukashon divino.
Kantika 101 i orashon di konklushon.
Siman di 19 di Desèmber
Kantika 160
5 min: Anunsio lokal. Menshoná areglonan spesial pa sirbishi di vèlt pa dia 25 di desèmber i 1 di yanüari. Rekordá tur presente pa bin Reunion di Sirbishi otro siman ku e ¡Despertad! di yanüari 2006.
15 min: “Mustra Interes Personal—Dor di Ser Adaptabel.”b Inkluí un demostrashon kòrtiku ku ta mustra kon un publikadó por adaptá su introdukshon a base di e komentarionan di e doño di kas.
25 min: “Bo Yu Lo Por Tuma un Desishon Maduro?”c Na enkargo di un ansiano. Laga un ruman hòmber ku ta bon lesadó lesa kada paragraf. Trata tur e tekstonan menshoná. Despues di konsiderá paragraf 2, mustra e kontraste entre e situashon di e dos hóbennan menshoná den E Toren di Vigilansia, na spañó, di 15 di yüni 1991, página 16-17, paragraf 16-17 i tambe esun di e hóben den e kuadro. Na konklushon, animá mayornan pa repasá henter e artíkulo den E Toren di Vigilansia ei i pa nan tene mesora un konsiderashon i seshonnan di práktika ku nan yunan tokante e mandamentu bíbliko relashoná ku sanger. Di e manera aki mayornan ta prepará nan yunan pa ekspresá nan kreensia ku konvikshon. Kabesnan di famia mester hasi sigur ku kada yu batisá tin un karchi DPA huntu kuné i ku kada yu ku no ta batisá tin un Karchi di Identifikashon huntu kuné. Ki ora ku un ruman ser hospitalisá i surgi un kuestion tokante transfushon di sanger, e ansianonan mester tuma kontakto ku e Komité di Kontakto ku Hospital lokal pa haña yudansa.
Kantika 56 i orashon di konklushon.
Siman di 26 di Desèmber
Kantika 85
10 min: Anunsio lokal. Lesa informe di kuenta i e konfirmashon ku sukursal a risibí e donashonnan. Kòrda e publikadónan pa entregá nan rapòrt di sirbishi di vèlt di luna di desèmber. Si boso kongregashon ta bai kambia su oranan di reunion entrante e aña nobo, anunsiá e orario nobo. Menshoná e oferta di literatura pa yanüari, i indiká unda e rumannan por haña presentashonnan ku ta ser sugerí pa esei.
15 min: Nesesidat lokal.
20 min: Rasgonan Nobo di ¡Despertad! Diskurso ku partisipashon di ouditorio. Menshoná e ahustenan di ¡Despertad! ku a ser anunsiá den Nos Ministerio di Reino di mart 2005, página 1, paragraf 5-6. Inkluí puntonan for di e artíkulo “Na Nos Lektornan” den e ¡Despertad! di yanüari 2006, página 3-4. Indiká algun ehèmpel ku ta mustra kon e revista na un manera direkto ta dirigí lektornan na Beibel. Invitá e ouditorio pa komentá riba e rasgo nobo na página 31. Nos lo sigui ofresé E Toren di Vigilansia i ¡Despertad! komo un sèt na e promé bishita. Naturalmente nos lo laga solamente un ehemplar di kada edishon di ¡Despertad! ku e hendenan di nos ruta di revista i ku otronan ku ta aseptá e revistanan regularmente. Tene dos demostrashon basá riba e sugerensianan na página 8 (si nan ta pas pa boso teritorio), ku ta mustra kon pa presentá E Toren di Vigilansia di 1 di yanüari i e ¡Despertad! di yanüari. Por usa otro presentashon realístiko tambe. Nos Ministerio di Reino di yanüari lo tin un di dos presentashon pa e ¡Despertad! di yanüari basá riba un di e artíkulonan sekundario. Nos por usa ámbos presentashon durante henter luna.
Kantika 222 i orashon di konklushon.
Siman di 2 di Yanüari
Kantika 5
5 min: Anunsio lokal.
15 min: “Usa Nos Literatura Bíbliko na un Manera Sabí.”d Inkluí komentario for di Nos Ministerio di Reino di sèptèmber 2002, página 1.
25 min: “Kongreso di Distrito 2006 di Testigunan di Yehova ‘Liberashon Ta Serka.’”e Na enkargo di e sekretario di kongregashon. Despues di konsiderá paragraf 1, lesa e karta di asignashon di kongreso, fechá 15 di desèmber 2005. Konsiderá tambe e Kaha di Pregunta. Animá tur presente pa hasi nan areglonan di kongreso mas pronto posibel.
Kantika 48 i orashon di konklushon.
[Footnotes]
a Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
b Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
c Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
d Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
e Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.