Anunsio

◼ Oferta di literatura pa febrüari: Ofresé e buki Hala Serka Yehova. Kongregashonnan ku no tin e buki aki na stòk por ofresé tambe e buki Revelacion—su gran culminacion ta cerca! òf kualke otro buki mas bieu ku nan tin na stòk. Mart: Ofresé e buki nobo Kiko Beibel Ta Siña Realmente? Hasi un esfuerso spesial pa kuminsá estudionan di Beibel. Aprel ku mei: Ofresé ehemplarnan lòs di tantu E Toren di Vigilansia komo Spièrta! Ora di rebishitá hende interesá, bishitá tambe hendenan ku sa asistí na Memorial òf otro eventonan teokrátiko pero ku no ta asosiá aktivamente ku e organisashon. Ofresé prinsipalmente e buki Kiko Beibel Ta Siña Realmente? Nos meta mester ta pa kuminsá estudio di Beibel den e buki ei.

◼ Aprel lo ta un bon luna pa traha pionero ousiliar, ya ku e tin sinku fin di siman kompletu.

◼ E tema di e diskurso spesial pa e temporada di Memorial 2006 lo ta “Dios Tin Kontròl Ainda Riba Asuntunan di Tera?” Wak e anunsio relashoná ku esaki den Nos Ministerio di Reino di sèptèmber 2005.

◼ Durante e Reunion di Sirbishi di e siman di 3 di aprel nos lo konsiderá e artíkulo na página 6, titulá: “Disfrutá di Bo Estudio di Kiko Beibel Ta Siña Realmente?” Por fabor, warda e artíkulo ei i e programa di estudio ku ta bini huntu kuné.

◼ E superintendente presidente òf un ruman asigná dor di dje mester kontrolá e kuentanan di kongregashon dia 1 di mart òf mas pronto posibel despues di esei. Si boso tin un kuenta koriente separá, por ehèmpel pa mantenshon òf konstrukshon, mester hasi areglo pa kontrolá e kuenta aki tambe. Ora e kontròl(nan) ei tuma lugá, hasi un anunsio n’e kongregashon despues ku lesa e siguiente informe di kuenta.

◼ E sekretario i e superintendente di sirbishi mester repasá e aktividat di tur pionero regular. Si un di nan tin problema pa alkansá e rekisito di ora, e ansianonan mester hasi areglo pa dun’é yudansa. Pa haña sugerensia, repasá e kartanan anual S-201-PA.