Anunsio

◼ Oferta di literatura pa aprel ku mei: Ofresé ehemplarnan lòs di tantu E Toren di Vigilansia komo Spièrta! Ora di rebishitá hende interesá, bishitá tambe hendenan ku sa asistí na Memorial òf otro eventonan teokrátiko pero ku no ta asosiá aktivamente ku e organisashon. Ofresé prinsipalmente e buki Kiko Beibel Ta Siña Realmente? Nos meta mester ta pa kuminsá estudio di Beibel den e buki ei. Yüni: Ofresé e buki Siña for di e Gran Maestro. Si e personanan bisa ku nan no tin yu, ofresé e buki Felicidad den Famia. Yüli: Por usa un di e siguiente foyetonan di 32 página: Bo Mester Kere den Trinidad?, Dios Realmente Ta Interesá den Nos?, Disfruta di bida riba tera pa semper!, E gobierno cu lo restorá paradijs, E nomber divino cu lo permanece pa semper, Hamas Lo Yega di Tin un Mundu Sin Guera?, Keda Vigilá!, Kico Ta Sosodé cu Nos ora Nos Muri?, “Mira! mi ta traha tur cos nobo,” Ora un Persona Stimá Muri, Spiritu dje mortonan—Nan por yudá bo of hací bo daño? Nan realmente ta existí? i Un Buki pa Tur Hende.

◼ Kuminsando na aprel, lo manda badge pa e kongreso di distrito 2006 outomátikamente huntu ku e kargamentu di literatura. Lo no tin nodi pidi nan, a ménos ku boso tin un grupo di idioma stranhero ku ta asosiá ku boso kongregashon. Si e kongregashon tin mester di mas karchi, mester hasi pedido pa esakinan riba e Formulario di Pedido di Literatura (S-14). Mester hasi pedido di e plèstik pa e karchi pa esnan den kongregashon ku kier nan.

◼ Sekretarionan di kongregashon mester mantené un kantidat adekuá di e formularionan Solisitut pa Sirbishi di Pionero Regular (S-205-PA) i Solisitut pa Sirbishi di Pionero Ousiliar (S-205b-PA). Por hasi pedido pa nan riba e Formulario di Pedido di Literatura (S-14). Tene un stòk di por lo ménos un aña. Promé ku manda solisitut di pionero regular pa sukursal, hasi sigur ku nan ta kompletamente yená.

◼ Promé ku kuminsá ku un proyekto di konstrukshon di Salòn di Reino—sea ta un konstrukshon nobo òf renobashon—ansianonan mester tuma kontakto ku e Komité Regional di Konstrukshon ku nan kongregashon ta kai bou di dje. Komiténan regional tin informashon ku por yuda kongregashonnan tuma desishonnan sabí enkuanto kompra di tereno, material i tambe otro asuntunan. Ta sabí pa konsiderá e sugerensianan ku e komité regional duna promé ku kumpra propiedat i asta kosnan manera stul, material pa kubri muraya manera vinyl òf palu, tapeit i èrko.

◼ Ofisina di sukursal mester tin un registro al dia di adrès i number di telefòn di tur superintendente presidente i sekretario. Asina ku tin un kambio, e Komité di Sirbishi di Kongregashon mester yena e formulario, Kambio di Adrès di Superintendente Presidente/Sekretario (S-29), firm’é i mand’é mesora pa e ofisina di sukursal. Esaki ta inkluí kambio den kódigo di telefòn tambe.