Programa di Reunion di Sirbishi

Siman di 8 di Mei

Kantika 2

10 min: Anunsio lokal. Anunsio selektá for di Nos Ministerio di Reino. Usa e sugerensianan na página 4 òf otro presentashonnan apropiá pa boso teritorio pa demostrá kon pa presentá E Toren di Vigilansia di 1 di mei i e ¡Despertad! di mei. Den un di e demostrashonnan, laga un publikadó ofresé E Toren di Vigilansia di 15 di aprel i esun di 1 di mei huntu ku e ¡Despertad! di mei serka un persona riba su ruta di revista ku no a haña E Toren di Vigilansia di 15 di aprel ainda. Maske e ta ofresé e tres revistanan, e ta papia riba un so. Publikadónan por bishitá personanan riba nan ruta di revista sea un bes òf dos bes pa luna.

20 min: “Sigui Mi Kontinuamente.”a Entrevistá brevemente un publikadó ehemplar ku ta hasi esfuerso pa mantené su bida simpel i ku ta limitá su metanan personal pa asina e por hasi mas pa promové interesnan di Reino i sirbi otro hende. Enfatisá e bendishonnan ku esei ta trese kuné.

15 min: Eksperensianan lokal. Invitá publikadónan pa konta di e bendishonnan ku nan a haña dor di a hasi esfuerso den sirbishi durante e lunanan di mart i aprel. Resaltá e resultadonan ku nan tabatin den kuminsá estudionan di Beibel i yuda personanan nobo asistí na Memorial. Por demostrá un òf dos eksperensia sobresaliente.

Kantika 91 i orashon di konklushon.

Siman di 15 di Mei

Kantika 9

10 min: Anunsio lokal. Animá tur persona pa wak e vidio Noe A Kana ku Dios komo preparashon pa e Reunion di Sirbishi di e siman di 29 di mei.

10 min: Traha Huntu den Union Bou di e Liderato di Kristu. Un diskurso basá riba e informashon bou di e suptema “Kiko Ta Nifiká Rekonosé Kristu Su Papel?” na página 13-15 di e buki Organisá pa Hasi Yehova Su Boluntat.

25 min: “Konstrukshon di Salòn di Reino—Un Aspekto Importante di Sirbishi Sagrado.”b Ora ta trata paragraf 2, mustra esnan presente un ehemplar di e formulario Lista di Pregunta pa Trahadónan Boluntario den Konstrukshon di Salòn di Reino (S-82) i splika kon e rumannan por haña un di e formularionan aki. Entrevistá algun ruman ku a traha den proyektonan di konstrukshon òf renobashon di Salònnan di Reino.

Kantika 133 i orashon di konklushon.

Siman di 22 di Mei

Kantika 86

12 min: Anunsio lokal. Lesa informe di kuenta i e konfirmashon ku sukursal a risibí e donashonnan. Usa e sugerensianan na página 4 òf otro presentashonnan apropiá pa boso teritorio pa demostrá kon pa presentá E Toren di Vigilansia di 15 di mei i e ¡Despertad! di mei. Usa komo marko di sirkunstansia, un famia ku ta train e presentashonnan.

15 min: “Mustra Interes Personal—Dor di Ser Bondadoso i Kortes.”c Ora ta trata paragraf 4, repasá brevemente e kuadro “Kiko Bo Ta Bisa un Aparato di Kontestá Yamada?” na página 2 di Nos Ministerio di Reino di novèmber 2000.

18 min: Bon Aparensia. Konsiderashon ku esnan presente basá riba e buki Skol di Ministerio, página 131-3. Trata e sinku prinsipionan relashoná ku nos bistí i areglo personal ku e informashon ta trese dilanti. Menshoná ku nos por usa e informashon aki ku takto pa yuda studiantenan di Beibel komprondé kon nan tin ku bisti na un manera apropiá pa e reunionnan di kongregashon.

Kantika 215 i orashon di konklushon.

Siman di 29 di Mei

Kantika 42

10 min: Anunsio lokal. Kòrda e publikadónan pa entregá nan rapòrt di sirbishi di vèlt di mei.

10 min: Presentá e buki Maestro den luna di yüni. Usa e sugerensianan na página 4 di Nos Ministerio di Reino di yanüari 2005 òf otro presentashonnan apropiá pa boso teritorio pa demostrá kon pa presentá e buki Siña for di e Gran Maestro. Segun ku tempu ta permití, invitá esnan presente pa komentá riba e bon resultadonan ku nan tabatin usando e buki aki den sirbishi òf den nan propio famia.

25 min: “Un Ehèmpel pa Hende di Tur Edat.” Despues di un introdukshon di ménos ku un minüt, kuminsá mesora ku un konsiderashon di e kwes di e vidio di Noe. Usa tur e preguntanan den e di dos paragraf. Despues pidi famianan pa relatá kon nan a benefisiá dor di a partisipá den e “Aktividatnan pa Siña” ku e DVD ta sugerí. Na final, konsiderá e pregunta i tekstonan den paragraf tres.

Kantika 9 i orashon di konklushon.

Siman di 5 di Yüni

Kantika 176

10 min: Anunsio lokal.

15 min: Nesesidat lokal.

20 min: Kon pa Tin Éksito den Hasi Rebishita. Konsiderashon ku esnan presente, basá riba e kuadro na página 16 di E Toren di Vigilansia di 15 di novèmber 2003. Konsiderá kada un di e shete sugerensianan i invitá esnan presente pa konta kon nos por apliká nan den nos teritorio. Animá publikadónan pa hasi rebishitá ku e meta pa kuminsá estudio di Beibel ku tur persona ku aseptá literatura òf mustra interes. Usa un di e sugerensianan na página 6 di Nos Ministerio di Reino di yanüari 2006 pa demostrá kon pa ofresé un estudio di Beibel ora di hasi un rebishita.

Kantika 57 i orashon di konklushon.

[Footnotes]