Programa di Reunion di Sirbishi

Siman di 10 di Yüli

Kantika 4

10 min: Anunsio lokal. Usa e sugerensianan na página 4 òf otro presentashonnan apropiá pa boso teritorio pa demostrá kon pa presentá E Toren di Vigilansia di 1 di yüli i e ¡Despertad! di yüli. Den un di e demostrashonnan, laga un publikadó mustra kon pa trata ku e ekspreshon ku por para kòmbersashon “Aki nos ta kristian kaba.”—Wak buki di Rasonamentu, página 19 (òf e foyeto chikí Con pa Cuminsá i Continuá Consideracionnan Bíblico, página 11).

15 min: Kon e Kongregashon Ta Ser Organisá i Goberná. Diskurso i konsiderashon ku esnan presente, basá riba kapítulo 4 di e buki Organisá pa Hasi Yehova Su Boluntat.

20 min: “Kultivá Apresio pa Yehova Su Kualidatnan Inkomparabel.”a Inkluí un demostrashon ku ta mustra kon pa usa pregunta pa yuda un studiante di Beibel reflekshoná riba e puntonan den e kuadro di repaso na final di kapítulo 1 di e buki Beibel Ta Siña.

Kantika 88 i orashon di konklushon.

Siman di 17 di Yüli

Kantika 99

10 min: Anunsio lokal. Anunsio selektá for di Nos Ministerio di Reino. Konsiderá brevemente E Toren di Vigilansia di 15 di ougùstùs 2000, página 32. Enfatisá e benefisionan di mantené un programa regular di lesamentu di Beibel tur dia, asta durante fakansi òf otro temporadanan ku nos a sali for di nos rutina normal.

15 min: Amor i Humildat—Kualidatnan Esensial pa e Ministerio. Diskurso basá riba E Toren di Vigilansia di 15 di ougùstùs 2002, página 18-20, paragraf 13-20.

20 min: “Imitá Nos ‘Dios Felis,’ Yehova.”b Invitá esnan presente pa splika kiko ta yuda nan mantené un aktitut gososo i positivo ora nan ta prediká den teritorio.

Kantika 189 i orashon di konklushon.

Siman di 24 di Yüli

Kantika 218

15 min: Anunsio lokal. Lesa informe di kuenta i e konfirmashon ku sukursal a risibí donashonnan. Usa e sugerensianan na página 4 òf otro presentashonnan apropiá pa boso teritorio pa demostrá kon pa presentá E Toren di Vigilansia di 15 di yüli i e ¡Despertad! di yüli. Despues di kada presentashon, ripití e komentarionan di introdukshon ku e publikadó a usa pa lanta interes di e doño di kas.

10 min: “Nan A Pone Ehèmpel di Fieldat.” Diskurso ku algun eksperensia di pioneronan spesial saká for di nos literatura òf entrevista ku kualke pionero spesial ku ta sirbiendo den boso kongregashon.—Wak Indèks di Publikashonnan Watch Tower bou di e tema “Pionero Spesial.”

20 min: Sea Firme, Konstante. (1 Kor. 15:58) Entrevistá dos òf tres publikadó òf pionero ku tin hopi aña ta sirbi Yehova fielmente. Kon nan a haña e bèrdat? Kon e trabou tabata wòrdu hasi tempu ku nan a kuminsá prediká? Ki desafionan nan a haña nan kuné? Ki bendishonnan nan a risibí dor ku nan a para firme pa adorashon berdadero?

Kantika 12 i orashon di konklushon.

Siman di 31 di Yüli

Kantika 28

10 min: Anunsio lokal. Kòrda e publikadónan pa entregá nan rapòrt di sirbishi di vèlt di yüli. Menshoná e oferta di literatura pa ougùstùs.

15 min: Nesesidat lokal.

20 min: “Kultivá Bon Kustumbernan, Kosechá Hopi Bendishon.”c Invitá esnan presente pa konta ki esfuerso nan ta hasi pa establesé i mantené un bon rutina spiritual i ki bendishon nan a risibí komo resultado di esei.

Kantika 130 i orashon di konklushon.

Siman di 7 di Ougùstùs

Kantika 209

10 min: Anunsio lokal. Repasá brevemente kon por adaptá e presentashonnan sugerí den Nos Ministerio di Reino pa nan por kuadra ku e nesesidatnan di e teritorio.—Wak Nos Ministerio di Reino di yanüari 2005, pág. 8.

15 min: Reunionnan Ku Ta Stimulá Hende pa Stima i Hasi Bon Obra. Diskurso basá riba E Toren di Vigilansia di 15 di mart 2002, página 24-5. Inkluí un entrevista breve ku ta enfatisá kuantu esfuerso e publikadó ta hasi pa asistí na e reunionnan regularmente i kon esei a benefisi’é.

20 min: Sea Progresivo i Adaptabel den Nos Ministerio. Diskurso i konsiderashon ku esnan presente basá riba E Toren di Vigilansia di 1 di desèmber 2005, página 28-30. Den un diskurso basá riba paragraf 6-11, enfatisá kon atento, adaptabel i ingenioso Pablo tabata den e trabou di prediká i siña hende. Kaba invitá esnan presente pa komentá riba e preguntanan di paragraf 12-14 i hasi un aplikashon lokal di e informashon. Inkluí un demostrashon ku ta mustra kon publikadónan lo por adaptá nan presentashon den e ministerio dor di tene kuenta ku e nesesidatnan, sirkunstansia i background kultural di e personanan den e teritorio.

Kantika 83 i orashon di konklushon.

[Footnotes]