Programa di Reunion di Sirbishi

Siman di 14 di Ougùstùs

Kantika 163

15 min: Anunsio lokal. Konsiderá e artíkulo “Programa Nobo pa Dia Spesial di Asamblea.” Anunsiá e fecha pa e próksimo dia spesial di asamblea, si esei ta konosí. Usa e sugerensianan na página 4 òf otro presentashonnan apropiá pa boso teritorio pa demostrá kon pa presentá E Toren di Vigilansia di 1 di ougùstùs i e ¡Despertad! di ougùstùs. Den un di e demostrashonnan, laga un publikadó mustra kon pa trata ku e ekspreshon ku por para kòmbersashon “Mi no ta interesá den Testigunan di Yehova.”—Wak buki di Rasonamentu, pág. 17-18 (òf e foyeto chikí Con pa Cuminsá i Continuá Consideracionnan Bíblico, pág. 9-10).

15 min: “Un Edishon Spesial di ¡Despertad! pa Presentá den Sèptèmber.”a Ora ta trata paragraf 4, tene un demostrashon breve den kua un tiner ta ofresé e ¡Despertad! di sèptèmber na su maestra(o).

15 min: Te Kon Leu Mi Por Tin Amistat ku Mi Kompañeronan di Skol? Diskurso i konsiderashon ku esnan presente, basá riba e ¡Despertad! di aprel 2006, página 17-19. Invitá personanan den e ouditorio ku a lanta den famianan kristian pa splika kon nan mayornan a prepará nan pa enfrentá desafio i apliká prinsipionan bíbliko na skol. Por prepará un òf dos komentario di antemano.

Kantika 164 i orashon di konklushon.

Siman di 21 di ougùstùs

Kantika 62

10 min: Anunsio lokal i anunsionan selektá for di Nos Ministerio di Reino. Konsiderá e artíkulo “Programa Nobo pa Asamblea di Sirkuito,” i anunsiá e fecha pa e próksimo asamblea di sirkuito, si esei ta konosí.

15 min: Benefisiá di e Estudio di Toren di Vigilansia i e Reunion Públiko. Diskurso i konsiderashon ku esnan presente basá riba e buki Organisá pa Hasi Yehova Su Boluntat, página 59 te na e suptema na página 64.

20 min: Plania Awor pa Traha Pionero Ousiliar! Diskurso i konsiderashon ku esnan presente. Animá e rumannan pa pone meta pa traha pionero ousiliar por lo ménos un luna durante e aña di sirbishi nobo. (1 Kor. 9:26) Podisé algun por skohe un luna ku tin aktividat spesial òf un luna ku tin un dia liber òf un èkstra fin di siman. Puntra e ouditorio: “Kon bo a vense opstákulonan den pasado pa por a traha pionero ousiliar? Ki bendishon bo a risibí for di e sirbishi di pionero ousiliar? Si bo tin deseo pa hasi e trabou aki, pero bo no ta sigur, dikon bo tin ku hasi esaki un asuntu di orashon? (Echo. 4:29; 2 Kor. 4:7; Sant. 1:5) Dikon ta bon tambe pa bo papia di esaki ku bo famia i rumannan di kongregashon, spesialmente esnan ku ta den e mesun sirkunstansia ku bo? (Pro. 15:22) Ki luna abo ta plania pa traha pionero?”

Kantika 216 i orashon di konklushon.

Siman di 28 di Ougùstùs

Kantika 17

10 min: Anunsio lokal. Lesa informe di kuenta i e konfirmashon ku sukursal a risibí donashonnan. Kòrda e publikadónan pa entregá nan rapòrt di sirbishi di vèlt di luna di ougùstùs. Usa e sugerensianan na página 4 òf otro presentashonnan apropiá pa boso teritorio pa demostrá kon pa presentá E Toren di Vigilansia di 15 di ougùstùs òf e ¡Despertad! di ougùstùs ora bo ta rebishitá un ruta di revista.

15 min: Bo Por Ta un Fuente di Animashon. (Rom. 1:11, 12) Diskurso i konsiderashon ku esnan presente. Menshoná e kantidat di pionero regular ku e kongregashon tin. Mustra ku nos por animá nan por ehèmpel dor di elogiá nan, papia positivo tokante e sirbishi di pionero, traha ku nan den sirbishi, invitá nan pa un komementu i yuda nan ku gastunan di transporte. Invitá pioneronan regular pa konta kon otronan a animá nan. Si e kongregashon no tin pionero regular, konsiderá kon nos por animá esnan ku ta traha pionero ousiliar.

20 min: Bo Por Kuminsá un Estudio di Beibel den Sèptèmber? Diskurso i demostrashon. Durante e luna di sèptèmber nos lo hasi un esfuerso spesial pa usa e buki Beibel Ta Siña pa kuminsá estudionan di Beibel for di e promé bishitá. Esaki ta nifiká ku ora nos laga e buki, nos lo trata na konsiderá algun paragraf ku e doño di kas. Tene dos demostrashon usando tópikonan apropiá pa e teritorio. Mustra den kada presentashon kon pa hasi afsprak definitivo pa bolbe bèk i sigui ku e konsiderashon.

Kantika 37 i orashon di konklushon.

Siman di 4 di Sèptèmber

Kantika 90

10 min: Anunsio lokal.

15 min: Nesesidat lokal.

20 min: “Mustra Interes Personal—Dor di Prediká sin Hasi Distinshon di Persona.”b Ora di konsiderá Romanonan 1:14, menshoná na final di paragraf 2, inkluí komentarionan breve for di e buki Perspikasia, Volúmen 1 (na spañó), página 285, e promé paragraf bou di e tema “Bárbaro.” Despues di konsiderá paragraf 3, repasá e tres pasonan deskribí na página 2 di e foyeto Bon Nobo pa Hende di Tur Nashon, i demostrá kon pa usa e foyeto aki ku hende ku ta papia otro idioma den boso teritorio.

Kantika 225 i orashon di konklushon.

[Footnotes]