Programa di Reunion di Sirbishi
Siman di 11 di Desèmber
Kantika 174
10 min: Anunsio lokal. Usa e sugerensianan na página 8 òf otro presentashonnan apropiá pa boso teritorio pa demostrá kon pa presentá E Toren di Vigilansia di 1 di desèmber i e ¡Despertad! di desèmber. Den un di e demostrashonnan, mustra kon pa trata ku e ekspreshon ku lo por para kòmbersashon “Mi no ta interesá.”—Wak e buki Rasonamentu na spañó, pág. 16 (òf e foyeto chikí Con pa Cuminsá i Continuá Consideracionnan Bíblico, pág. 8-9).
15 min: Skol di Ministerio Teokrátiko 2007. Diskurso i entrevista na enkargo di e superintendente di skol. Konsiderá puntonan for di e suplemento di Nos Ministerio di Reino di òktober 2006 ku mester ser enfatisá den e kongregashon lokal. Splika ku e superintendente di skol no ta anunsiá di antemano e kualidat di papia ku un studiante ta trahando riba dje. Siendo ku den aña 2007 nos lo kaba di lesa e Skritura Hebreo—for di Isaias kapítulo 24 te ku e final di Malakias—lo ta un bon chèns pa rumannan ku tin e parti di puntonan sobresaliente di Beibel i e otro rumannan ku ta duna komentario hasi bon uso di nos publikashonnan ku ta splika e bukinan profétiko aki. Entrevistá dos òf tres publikadó for di e studiantenan nobo, studiantenan hóben ku ta progresando bon i studiantenan ku tin hopi eksperensia. Laga nan konta ki efekto e skol tabatin riba nan ministerio i nan spiritualidat. Animá tur esnan presente pa ta diligente den e manera ku nan ta kumpli ku nan asignashon, partisipá durante e parti di puntonan sobresaliente di Beibel i apliká e sugerensianan ku nos ta haña tur siman for di e buki Benefisiá di e Skol di Ministerio Teokrátiko.
20 min: “No Pèrdè Bo Promé Amor.”a Segun tempu ta permití, invitá esnan presente pa komentá riba e tekstonan menshoná.
Kantika 193 i orashon di konklushon.
Siman di 18 di Desèmber
Kantika 150
10 min: Anunsio lokal. Anunsio selektá for di Nos Ministerio di Reino. Repasá Kaha di Pregunta. Menshoná areglonan spesial pa sirbishi di vèlt pa dia 25 di desèmber i 1 di yanüari.
15 min: “Bai Bèk Serka Tur Esnan Ku Mustra Sierto Interes.”b Invitá esnan presente pa konta kon nan a logra pa personanan interesá ku nan a topa—ora nan tabata duna testimonio informal òf prediká riba kaya—duna nan informashon pa drenta den kontakto ku nan. Laga nan relatá kualke eksperensia sobresaliente ku nan tabatin rebishitando e personanan ei. Por hasi areglo pa un òf dos komentario di antemano.
20 min: “Un Disposishon Boluntario Ta Trese Bendishon.”c Entrevistá un òf dos publikadó ku ta konosí pa nan disposishon boluntario. Kon nan a demostrá un disposishon boluntario? Ki ahustenan nan mester a hasi, i kon nan a logra hasi nan? Den ki bendishonnan esaki a resultá?
Kantika 108 i orashon di konklushon.
Siman di 25 di Desèmber
Kantika 210
10 min: Anunsio lokal. Lesa informe di kuenta i e konfirmashon ku sukursal a risibí e donashonnan. Usa e sugerensianan na página 8 òf otro presentashonnan apropiá pa boso teritorio pa demostrá kon pa presentá E Toren di Vigilansia di 15 di desèmber i e ¡Despertad! di desèmber. Na final di kada presentashon, laga e publikadó hasi un pregunta ku ta pone e doño di kas pensa i ku e publikadó por kontestá na e siguiente bishita, usando e buki Beibel Ta Siña.
15 min: Nesesidat lokal.
20 min: “Bo Tin un Teritorio Personal?”d Laga e superintendente di sirbishi splika brevemente kon grandi e teritorio di e kongregashon ta, ku ki frekuensia e teritorionan ta ser trahá i si tin posibilidat pa publikadónan haña teritorio personal.
Kantika 219 i orashon di konklushon.
Siman di 1 di Yanüari
Kantika 158
Note: A ménos ku un kongregashon tin e bishita di e superintendente di sirkuito, no mester kambia e Reunion di Sirbishi di e siman di 1 di yanüari pa un anochi mas promé. Tur kongregashon mester konsiderá e suplemento tokante e kongreso manera e programa ta stipulá. Si durante e siman ei tin asamblea di sirkuito, e superintendentenan di estudio di buki mester anunsiá e sitio i fechanan di e kongreso na e estudio di buki.
5 min: Anunsio lokal. Kòrda e publikadónan pa entregá nan rapòrt di sirbishi di vèlt di luna di desèmber.
15 min: Informe Riba e Progreso di e Ministerio. Diskurso i konsiderashon ku esnan presente, basá riba e buki Organisá pa Hasi Yehova Su Boluntat, for di e suptema na página 83 te na fin di e kapítulo.
25 min: “Kongreso di Distrito 2007 di Testigunan di Yehova ‘Sigui e Kristu!’”e Na enkargo di e sekretario di kongregashon. Lesa e karta di asignashon di kongreso, fechá 15 di desèmber 2006, promé ku trata e suplemento. Animá tur presente pa hasi nan areglonan pa e kongreso mas pronto posibel.
Kantika 65 i orashon di konklushon.
[Footnotes]
a Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
b Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
c Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
d Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.
e Limitá komentarionan di introdukshon na ménos ku un minüt, i sigui ku un konsiderashon mediante pregunta i kontesta.