Programa di Reunion di Sirbishi

Siman di 8 di Sèptèmber

Kantika 204

10 min: Anunsio lokal. Puntra e presentenan kua artíkulo den e revistanan nobo e hendenan den teritorio tabata mas interesá den dje. Invitá nan pa menshoná ki pregunta i teksto di Beibel nan a usa pa introdusí e artíkulonan. Demostrá kon por ofresé kada revista.

15 min: Yuda Studiantenan di Beibel Bira Maestro. Diskurso basá riba E Toren di Vigilansia di 15 di yanüari 2007, página 29-⁠30, paragrafnan 14-20. Inkluí un demostrashon breve den kua un publikadó ta splika un studiante di Beibel nobo kon e diskurso públiko i e estudio di Toren di Vigilansia ta bai i ta invit’é pa bin reunion.

20 min: Kon pa Trata ku Prehuisio den Nos Ministerio. Diskurso na enkargo di un ansiano, basá riba informashon publiká ku ta mustra kon prehuisio por afektá nos ministerio. Splika kon lo por vense e tipo di prehuisio ei. Tin bes nos kondukta, tantu den sirbishi di vèlt komo den nos bida diario, por yuda hopi pa vense prehuisio di opservadónan i yuda nan bira mas reseptivo pa e bèrdat. Pues ta masha importante pa tur ora bai nos wak bon kon nos ta papia i komportá nos mes. (1 Ped. 2:⁠12; 3:​1, 2) Relatá algun eksperensia lokal òf saká for di nos literatura pa mustra kon por vense prehuisio.

Kantika 127

Siman di 15 di Sèptèmber

Kantika 94

10 min: Anunsio lokal. Anunsio selektá for di Nos Ministerio di Reino.

20 min: Kiko Nos A Logra Aña Pasá? Diskurso i konsiderashon ku e presentenan na enkargo di e superintendente di sirbishi òf un otro ansiano kualifiká. Repasá aktividat di sirbishi di e kongregashon durante e aña ku a pasa, enfokando riba e kosnan bon ku a ser lográ. Duna elogio apropiá. Prepará di antemano pa ún òf dos publikadó konta kualke eksperensia sobresaliente ku nan tabatin. Menshoná ún òf dos punto ku e kongregashon por traha riba dje durante e siguiente aña, i duna sugerensianan práktiko pa mehorá.

15 min: Kon Mi Por Defendé Mi Fe den Kreashon? Diskurso basá riba informashon publiká. Pidi ouditorio pa konta kon nan a defendé nan fe den kreashon na skol, na trabou òf otro kaminda. Por prepará un òf dos komentario di antemano.

Kantika 51

Siman di 22 di Sèptèmber

Kantika 104

10 min: Anunsio lokal. Lesa informe di kuenta i e konfirmashon ku sukursal a risibí e donashonnan. Konsiderá karta di sukursal na página 1.

20 min: Bo Aktividat Lo Ser Rekompensá. Diskurso basá riba E Toren di Vigilansia di 15 di aprel 2005, kuminsando na página 28 paragraf 6 te na final di página 29. Inkluí un entrevista breve ku un òf dos publikadó seloso ku ta konta kon Yehova a satisfasé nan nesesidatnan material i emoshonal.

15 min: Prepará pa Ofresé E Toren di Vigilansia di 1 di òktober i e ¡Despertad! di òktober. Duna un resúmen breve di e revistanan, i puntra e presentenan kua artíkulo e hendenan den teritorio lo ta mas interesá den dje. Ki pregunta i teksto di Beibel nos por usa pa introdusí e artíkulonan? Demostrá kon por usa un sugerensia den Nos Ministerio di Reino. Laga un ansiano demostrá kon el a prepará un presentashon breve basá riba un artíkulo ku ta apropiá pa e teritorio.

Kantika 190

Siman di 29 di Sèptèmber

Kantika 45

10 min: Anunsio lokal. Kòrda e publikadónan pa entregá nan rapòrt di sirbishi di vèlt di sèptèmber. Prepará di antemano pa un òf dos publikadó konta eksperensianan edifikante ku nan tabatin ora nan a prediká informalmente den e temporada di kongreso di distrito, durante fakansi òf na otro okashonnan.

15 min: Nesesidat lokal.

20 min: “Un Kampaña Spesial di Tratado!—Di 20 di Òktober pa 16 di Novèmber.”a Si e tratado ta disponibel, duna tur e presentenan un ehemplar. Duna un resúmen breve di e tratado ora di konsiderá paragraf 2. Ora ta trata paragraf 4, demostrá kon lo por laga e tratado. Ora ta trata paragraf 5, tene un demostrashon den kua un publikadó ta usa e tratado pa kuminsá un estudio di Beibel na un rebishita.

Kantika 9

Siman di 6 di Òktober

Kantika 15

10 min: Anunsio lokal.

15 min: Kaha di Pregunta. Konsiderashon ku e presentenan. Inkluí komentario riba E Toren di Vigilansia di 15 di yüni 2005, página 20-22, paragraf 10-16.

20 min: “Siña Otro Hende Stima Yehova.”b Segun tempu ta permití, invitá e presentenan pa komentá riba e tekstonan menshoná.

Kantika 132

[Footnotes]