Programa di Reunion di Sirbishi

Siman di 13 di Òktober

Kantika 174

10 min: Anunsio lokal. Splika kiko ta e programa lokal pa e kampaña spesial di tratado ku lo kuminsá dia 20 di òktober, i animá tur publikadó pa pasa buska nan tratadonan si nan no a hasi esei ainda. Repasá brevemente e presentashonnan sugerí pa E Toren di Vigilansia di 1 di òktober i e ¡Despertad! di òktober ku tin na página 8. Ya ku hopi publikadó a ofresé e revistanan akí pa algun siman kaba, invitá nan pa konta un eksperensia ku nan por tabatin.

35 min: “Un Programa Nobo di Reunion di Kongregashon.”a Segun tempu ta permití, lesa e tekstonan menshoná i invitá e presentenan pa komentá riba nan.

Kantika 216

Siman di 20 di Òktober

Kantika 113

5 min: Anunsio lokal. Anunsio selektá for di Nos Ministerio di Reino.

20 min: Mantené Goso den e Ministerio. Diskurso animante basá riba e informashon den E Toren di Vigilansia di 1 di yüli 2005, página 24-⁠25, paragraf 11-⁠17. Entrevistá un òf dos ruman ku a sirbi Yehova fielmente pa hopi tempu. Kiko a yuda nan mantené goso ora hende no a mustra interes?

20 min: Prepará pa Ofresé E Toren di Vigilansia di 1 di novèmber i e ¡Despertad! di novèmber. Duna un resúmen breve di e revistanan, i puntra e presentenan kua artíkulo nan ta pensa ku e hendenan den teritorio lo ta mas interesá den dje. Laga nan splika dikon. Invitá e presentenan pa sugerí un pregunta apropiá ku nan tin pensá di usa pa kuminsá un kòmbersashon, i un teksto di Beibel den e artíkulo di e revista ku nan lo bai ofresé. Na konklushon demostrá kon por presentá kada revista, usando e sugerensianan na página 8 òf otro presentashon ku ta spesialmente prepará pa atraé hende den e teritorio.

Kantika 148

Siman di 27 di Òktober

Kantika 30

5 min: Anunsio lokal. Lesa informe di kuenta i e konfirmashon ku sukursal a risibí e donashonnan.

10 min: Nesesidat lokal.

30 min: “Estudio Personal i di Famia Ta Hopi Importante!”b Segun tempu ta permití, lesa e tekstonan menshoná i invitá e presentenan pa komentá riba nan.

Kantika 142

Siman di 3 di Novèmber

Kantika 100

10 min: Anunsio lokal. Kòrda e publikadónan pa entregá nan rapòrt di sirbishi di vèlt di òktober.

20 min: Skol di Ministerio Teokrátiko pa 2009. E superintendente di skol ta konsiderá ku e presentenan e programa nobo pa Skol di Ministerio Teokrátiko den e suplemento di Nos Ministerio di Reino bou di “Instrukshonnan.” Enfoká riba e ahustenan. Animá tur e presentenan pa ta diligente den e manera ku nan ta kumpli ku nan asignashonnan, den nan preparashon pa komentá durante e parti di puntonan sobresaliente di Beibel i den apliká e sugerensianan ku e superintendente di skol ta duna tur siman basá riba e buki Benefisiá di e Skol di Ministerio Teokrátiko.

15 min: Mehorá Bo “Arte di Siña.” Superintendente di sirbishi òf un otro ansiano kualifiká ta menshoná i komentá brevemente riba sinku faktor importante ku ta efektivo pa siña otro hende, usando e informashon den E Toren di Vigilansia di 1 di yanüari 2008, paragraf 5-⁠18 na página 16-⁠19. Entrevistá un òf dos publikadó ku ta haña ku e informashon akí a yuda nan mehorá nan abilidat di siña hende.

Kantika 91

[Footnotes]