Repaso di Skol di Ministerio Teokrátiko

Lo konsiderá e siguiente preguntanan na e Skol di Ministerio Teokrátiko durante e siman di 23 di febrüari 2009. E superintendente di skol lo kondusí un repaso di 20 minüt basá riba e informashon ku a ser tratá den asignashonnan di e simannan di 5 di yanüari te ku 23 di febrüari 2009.

1. Kon Dios por a produsí lus riba e promé dia si ta te riba e di kuater dia numa el a traha dos lus grandi? (Gén. 1:​3, 16) [w04-PA 1/1 pág. 28 §5]

2. Kiko bo por komprondé for di e echo ku Yehova no a bisa Noe pa someté e tera manera el a bisa e hòmber perfekto Adam? (Gén. 9:⁠1) [it-1-S pág. 852 §6]

3. Riba ki fecha e aliansa òf pakto abrahámiko a drenta na vigor i kon largu el a dura? (Gén. 12:​1-⁠4) [w04-PA 15/1 pág. 26 §4; w01-PA 15/8 pág. 17 §13]

4. Kiko ta mustra ku Nimròd i esnan ku a sigui su guia no a logra nan meta pa ‘traha un nòmber pa nan mes’? (Gén. 11:⁠4) [w98-PA 15/3 pág. 25]

5. Mirando ku na 2 Pedro 2:⁠7 ta yama Lòt un hòmber “hustu,” dikon e kier a ofresé su dos yu muhénan na e multitut pèrvèrso? (Gén. 19:⁠8) [w05-PA 1/2 pág. 26 §15-⁠16; w04-PA 15/1 pág. 27 §3]

6. Siendo ku un esposo temeroso di Dios mester kuida su mes hendenan, kon Abraham por a manda Hagar i Ismael bai den desierto? (Gén. 21:​10-⁠21; 1 Tim. 5:⁠8) [w88-S 15/2 pág. 31]

7. Ki lès nos por siña for di Eliezer su esfuerso pa hasi kosnan n’e manera di Yehova ora el a buska un kasá pa Isaak? (Gén. 24:​14, 15, 17-19, 26, 27) [w97-PA 1/1 pág. 31 §2]

8. Kiko e soño di Jakòb tokante angelnan ta ‘subi baha riba un trapi’ a nifiká? (Gén. 28:​10-⁠13) [w03-PA 15/10 pág. 29 §1; it-1-S pág. 829-⁠30]

9. Pakiko Raquel tabata asina interesá pa haña e mandrágora di Lea su yu hòmber? (Gén. 30:​14, 15) [w04-PA 15/1 pág. 28 §7]

10. Kon e proseder di Jakòb ta un bon ehèmpel ora di solushoná problema personal? (Gén. 33:​3, 4) [g82-S 22/2 pág. 19 §8-⁠10]