Ta un Privilegio pa Konstruí i Mantené Nos Lugánan di Reunion

Aunke konstrukshon di e tèmpel na Israel a eksigí hopi esfuerso i plaka, e israelitanan a sostené e proyekto akí ku masha entusiasmo. (1Kr 29:2-9; 2Kr 6:7, 8) Despues ku e tèmpel a keda kla, a base di e manera ku nan a manten’é, nan a demostrá si nan tabata fuerte spiritualmente òf nò. (2Re 22:3-6; 2Kr 28:24; 29:3) Awe, kristiannan ta dediká hopi tempu i energia na konstrukshon, limpiesa i mantenshon di Salòn di Reino i di Asamblea. No ta un gran privilegio pa por traha huntu ku Yehova den e rasgo akí di nos sirbishi sagrado?—Sl 127:1; Rev 7:15.

KON NOS POR YUDA?

• 

  Despues di kada reunion, laga tur kos na òrdu. Si bo no por hasi muchu, laga e área rònt di bo asiento limpi.

• 

  Wak pa bo t’ei pa bo duna un man ora tin limpiesa i mantenshon di Salòn di Reino. Sí, ora nos tur yuda, e trabou ta bira mas fásil i tur hende ta traha ku mas smak.—lv 92-93 §18.

• 

  Pa medio di donashon. Yehova ta keda kontentu ku kualke kontribushon ku nos hasi di kurason, asta si, na moda di papia, ta “dos sèn pretu” so nos por duna.—Mar 12:41-44.

• 

  Si bo sirkunstansianan ta permití, ofresé pa yuda den konstrukshon di edifisionan ku nos ta usa pa adorá Yehova. Bo no mester tin eksperensia di konstrukshon pa bo por yuda.