Referensia pa Material i Tarea pa Reunion Nos Bida i Sirbishi Kristian

7-13 DI NOVÈMBER

TESORONAN DI E PALABRA DI DIOS | PROVERBIONAN 27-31

“Beibel Ta Deskribí un Esposa Kapas”

it-1-S 867 §8

Esposa

Deskripshon di un Bon Esposa. Na Proverbionan kapítulo 31 Beibel ta deskribí e trabou i felisidat di un esposa fiel. E ta bisa ku un esposa fiel ta bal mas ku koral, òf rubí, pa su esposo. Su esposo por konfia den dje. E esposa ta diligente; e ta weef tela i kose paña pa su famia; e ta kumpra loke su famia tin mester; e ta traha den kunuku di wendrùif; e ta dirigí su kas i su kriánan; e ta yuda hende den nesesidat; e ta sòru pa su famia ta na òrdu i nèchi bistí; mediante su trabou, e ta asta yuda ku entrada pa e famia; e ta prepará su famia pa kualke emergensia; e ta papia ku sabiduria i na un manera bondadoso; su esposo i su yunan ta elogi’é pasobra e ta teme Yehova i ta hasi un bon trabou; asina e ta duna onor na su esposo i su famia. Esun ku haña un bon esposa di bèrdat a haña algu bon i ta ­risibí bendishon for di Yehova.​—⁠Pro 18:⁠22.

Buska Hoyanan Spiritual

w11-S 1/8 29 §2

Un Dia di Gran Ilushon i Ekspektativa

Pa splika e di dos manera pa demostrá temor di Yehova, Ruman Morris a lesa Proverbionan 27:21: “Wea pa dirti metal ta pa plata i fòrnu pa oro, ma hende ta wòrdu probá dor di elogio ku e ta risibí.” El a splika ku meskos ku ta refiná, òf purifiká, oro i plata, asina tambe nos por ser refiná ora nos haña elogio. Kon asina? Elogio por pone nos kualidatnan na prueba. Elogio por sea hasi nos orguyoso i hiba nos na ruina spiritual, òf kòrda nos ku nos tin un debe grandi ku Yehova i asina yuda nos keda determiná pa nunka bai kontra di su normanan. E ruman a animá e studiantenan pa aseptá elogio na e manera korekto, esta, komo oportunidat pa demostrá ku nan tin “temor di Yehova.”