Hende Ku Yuda Esnan den Nesesidat Lo Haña Bendishon

Hopi hende rònt mundu tin mester di kuminda i un lugá di biba. Otronan simplemente mester di un speransa pa futuro. Dios ke pa nos hasi esfuerso pa yuda hende den nesesidat, i lo e bendishoná nos si nos yuda nan.

KIKO E SANTU SKRITURA TA BISA?

“Esun ku tene miserikòrdia di un hende pober ta fia SEÑOR, i e lo pag’é bèk pa su bon obra.”—PROVERBIONAN 19:17.

KON NOS POR YUDA OTRO HENDE?

Hesus a konta un historia tokante un hòmber ku a ser ataká pa ladron ku a lag’é mitar morto. (Lukas 10:29-37) Un hende deskonosí ku a pasa ei banda a mir’é i a bai serka dje pa yud’é. E hòmber ei a yud’é maske ku e tabata di un otro nashon i kultura.

E hòmber amabel ei no solamente a yuda e víktima ku su heridanan i a kubri su gastunan, sino el a dun’é alivio tambe.

Kiko nos ta siña for di e historia ei? Hesus a mustra ku nos mester hasi tur loke nos por pa yuda hende den nesesidat. (Proverbionan 14:31) E Santu Skritura ta siña nos ku pronto Dios lo kaba ku pobresa i sufrimentu. Pero, kisas bo ta puntra bo mes: Kon Dios lo hasi esaki i na ki tempu? E siguiente artíkulo lo trata algun di e bendishonnan ku nos Kreador amoroso lo duna nos den futuro.