Referensia pa Material i Tarea pa Reunion Nos Bida i Sirbishi Kristian

4-10 DI NOVÈMBER

TESORONAN DI E PALABRA DI DIOS | 1 HUAN 1-5

Buska Hoyanan Spiritual

it-2-S 635-636 §8

Pordon

Ta bon i apropiá pa pidi Dios pordoná otro hende, sí, asta henter un kongregashon. Moises a hasi esei pa e nashon di Israel. El a konfesá e pikánan di e nashon i a pidi Dios pa pordoná nan, i Dios a skucha su orashon. (Num 14:19, 20) Ademas, tempu ku a dediká e tèmpel, Sálomon a pidi Yehova pa pordoná e pueblo si despues ku nan a peka nan bira bèk for di nan mal kaminda. (1Re 8:30, 33-40, 46-52) Èsdras a representá e pueblo den orashon i públikamente a konfesá e pikánan di e hudiunan ku a bini nan pais bèk. Su orashon sinsero i loke el a urgi e israelitanan pa hasi a motivá e pueblo pa hasi esfuerso pa buska pordon di Yehova. (Èsd 9:13–10:4, 10-19, 44) Santiago a bisa ku si un hende ta spiritualmente malu, e hende ei mester yama e ansianonan di kongregashon pa nan hasi orashon p’e, i “si el a kometé piká, lo e ser pordoná.” (Snt 5:14-16) Sinembargo, tin “un piká ku sí ta hiba na morto,” esta, piká ku un persona ta kometé kontra spiritu santu. Un persona ku ta peka kontra spiritu santu ta praktiká piká deliberadamente. Pa esei no tin pordon. Un kristian no mester resa pa hende ku ta peka di e manera akí.—1Hn 5:16; Mat 12:31; Heb 10:26, 27; wak ESPÍRITU i PECADO den Perspikasia pa Komprondé e Skritura, na spañó.

11-17 DI NOVÈMBER

TESORONAN DI E PALABRA DI DIOS | 2 HUAN 1–HUDAS

Buska Hoyanan Spiritual

it-1-S 125 §7

Bankete di Amor

Beibel no ta duna detaye tokante e banketenan di amor akí ni e no ta indiká kuantu biaha tabata tene e banketenan ei. (Hud 12) Hesus ni e apòstelnan no a duna e mandato pa tene e banketenan akí. P’esei, ta parse ku e banketenan akí no tabata obligatorio ni permanente. Tin hende ta bisa ku e banketenan ei tabata okashon kaminda e kristiannan ku tabatin mas kos material tabata invitá nan rumannan ku tabata pober. Di e manera ei, tur hende huntu—huérfano, biuda, ruman riku i e rumannan di ménos rekurso—tabata disfrutá di kompañerismo ku nan rumannan na e banketenan grandi akí.

it-2-S 861

Baranka

Un otro palabra griego, spilás, evidentemente ta referí na baranka òf ref ku ta skondí bou di awa. Hudas a usa e palabra akí pa ilustrá kon algun hende ku mal intenshon a slùip drenta e kongregashon kristian. Meskos ku baranka skondí ta un menasa pa barku, asina tambe e hendenan akí tabata un berdadero peliger pa e rumannan den kongregashon. Hudas a bisa tokante e hendenan akí: “Esakinan ta baranka skondí bou di awa ku ta festehá ku boso den boso banketenan.”—Hud 12.