Prepará Bo Kurason

Ora nos ta studia Beibel, nos ke pa e kosnan ku nos ta siña tokante Yehova yega na nos kurason. Nos por siña hopi for di Èsdras, kende “a prepará su kurason pa studia Lei di Yehova.” (Èsd. 7:10) Kon nos por hasi meskos kuné?

Resa. Promé ku bo kuminsá studia, hasi orashon. Pidi Yehova yuda bo komprondé i apliká loke bo ta bai siña.—Sal. 119:​18, 34.

Sea humilde. Yehova ta skonde e bèrdat pa hende ku ta orguyoso i ku ta pensa ku nan no tin mester di su yudansa pa komprondé Beibel. (Luk. 10:21) No studia djis pa broma ku bo sa hopi kos. Ora bo topa ku algu ku bo tin ku kambia, sea humilde i hasi e kambionan ei.

Skucha un di nos kantikanan. Muzik tin efekto riba bo sintimentunan. Pues, si bo skucha un di nos kantikanan promé ku bo studia, e por yuda bo prepará bo kurason.