Bo Sa E Contesta?

(Por haña e contestanan dje kwes aki den e textonan di Bijbel duná, i e lista completo di contesta ta imprimí na página 30. Pa mas informacion, consultá e publicacion “Perspicacia para comprender las Escrituras,” publicá dor di Watchtower Bible and Tract Society of New York, Inc.)

1. Ki frase Bijbel ta usa hopi bes pa referí n’e stad di Jerusalem i su habitantenan? (Zacarías 9:9)

2. For di cua haf di Asia Menor Pablo a barca ora el a regresá Antiokia, Siria, na final di su promé biahe como misionero? (Echonan 14:25, 26)

3. E pueblo dje reino di dies tribu tabata dividí relacioná cu dos homber cu kier a bira e di seis rey di Israel. Ken e dos hombernan tabata? (1 Reynan 16:21, 22)

4. Cua tabata e di tres ceru haltu caminda rey Balac a hiba profeta Balam pa purba pon’é maldicioná Israel? (Númeronan 23:28)

5. Nomber di cua dje 12 yu hombernan di Jacob ta nificá “Bon Fortuna”? (Génesis 30:11)

6. Na cua César, cu despues a ordená su morto, Pablo a apelá? (Mira Echonan 25:11, 21, nota na pia di página.)

7. Kico mester a agregá na tur loke a ofrecé Jehova riba altar? (Levítico 2:13)

8. Segun e profecia di Jesus, ki trabou importante ta tuma lugá promé cu fin dje sistema di cosnan aki? (Mateo 24:3, 14)

9. Den cua luna hudiu Nehemías a completá e proyecto di 52 dia di reconstruí e murayanan di Jerusalem? (Nehemías 6:15)

10. Pakico e muhernan a regresá na Jesus su graf riba e di dos dia despues cu nan a pon’é eiden i a seya e graf ? (Lucas 23:55–24:3)

11. Den cua luna hudiu Sálomon a completá construccion dje tempel? (1 Reynan 6:38)

12. Kico David a haci ora el a haña sa cu su promé yu cu Bat-seba a muri? (2 Samuel 12:20-23)

13. Con bini algun homber, den tempu di Jesus, por a desplegá forsa sobrehumano? (Marco 5:3, 4, 15)

14. Segun apostel Pablo, cua ta e bentaha di laga disiplina entrená nos? (Hebreonan 12:11)

15. Distinto di mayoria otro para, cua para tin tur dos wowo parti dilanti, loke ta haci posibel cu e por mira un obheto cu tur dos wowo pareu? (Salmo 102:6)

16. Distinto di posesionnan mundano, kico lo ta di beneficio riba e dia di Dios su furia? (Proverbionan 11:4)

17. Segun Jesus, cua actitud nos como sirbidó di Dios mester tin ora nos ta haci nos trabou asigná? (Lucas 17:9, 10)

18. Ki accion balente rey Asa a tuma relacioná cu e “ídolo horibel dje palu sagrado” cu su wela Maacá a traha? (1 Reynan 15:13)

19. Pakico Jesus a urgi esnan cu carga pisá pa nan tuma su yugo? (Mateo 11:30)

20. For di cua lugá Moises a mira e Tera Primintí i despues a muri? (Deuteronomio 32:49, 50)

Contestanan di Kwes

1. Yu muher di Síon

2. Atalia

3. Tibni i Omri

4. Peor

5. Gad

6. Nero

7. Salu

8. E ‘bon nobo dje reino lo ser predicá den tur e tera habitá’

9. Elul

10. Pa conserbá su curpa mas ainda cu zeta i specerei

11. Bul

12. El a stop di yuna i di yora i a cuminsá come

13. Nan tabata poseí pa demoño

14. Lo e producí “fruta di pas, esta, husticia”

15. Palabrua (shoko)

16. Husticia

17. Cu ta un privilegio i cu nos ta haciendo gewoon loke nos mester haci

18. El a kap e ídolo benta bou i a kim’é, i a kita su wela di ta “dama,” esta reina mama, den e reino

19. Esei lo refrescá nan, ya cu su yugo ta suave i su carga ta leve

20. Ceru di Nebo