Bo Sa e Contesta?
(Por haña e contestanan dje kwes aki den e textonan di Bijbel duná, i e lista completo di contesta ta imprimí na página 30. Pa mas informacion, consultá e publicacion “Perspicacia para comprender las Escrituras,” publicá dor di Watchtower Bible and Tract Society of New York, Inc.)
1. Ki título a duna e gobernantenan dje cincu stadnan filisteo cu a yuda otro den asuntunan di interes mutuo, manera purba vence Samson? (Huesnan 16:5)
2. Ora e israelitanan tabata den desierto i cu nan a corda loke nan a come na Egipto, cua cumindanan nan a anhelá p’e? (Númeronan 11:5)
3. Kico Jesus a corda su disipelnan cu e lelinan di mondi no tin nodi haci, i tog nan ta luci bunita? (Lucas 12:27)
4. Aunke biuda i muhernan divorciá mester a cumpli cu nan voto bou dje Ley di Moises, kico un esposo por a haci cu cualkier voto cu su casá a haci? (Númeronan 30:13)
5. Den tempu bíblico, kico hende tabata haci pa mustra nan cariño of respet pa otro? (1 Samuel 20:41, 42)
6. Kico e di dos mandamentu a prohibí? (Exodo 20:4, 5)
7. Con e israelitanan a ricibí e Dies Mandamentu pa promé biaha, i bou di ki circunstancia? (Deuteronomio 10:4)
8. Ken a cumpra e plenchi di bati cosecha di Ornan, i kico nan a traha mas despues riba e sitio ei? (1 Crónicanan 21:24; 2 Crónicanan 3:1)
9. Cuantu comisario di rango haltu Sálomon tabatin, i kico tabata nan funcion? (1 Reynan 4:7)
10. Di con Pedro ta consehá nos pa nos tin “humildad di mente un pa cu otro”? (1 Pedro 5:5)
11. Ken a discutí cu Pablo n’e marshe di Aténas, bisando cu no tin un speransa di resureccion? (Echonan 17:18)
12. Cua obhetonan, confiá n’e sumo sacerdote, nan a usa pa determiná kico tabata Jehova su boluntad den un asuntu? (Exodo 28:30)
13. Cua profeta a haña e vision di Jehova su garoshi celestial?
14. Cua palabra cu Bijbel a usa pa Haman i su tata, Hamedata, ta indicá cu nan tabata di desendencia amalekita, i pues enemigunan bieu dje hudiunan? (Ester 3:1; 8:3)
15. Cua antiguo midí di líkido tabata mescos cu 3,67 liter of casi un galon mericano? (Exodo 29:40)
16. Bou dje Ley di Moises, cua característicanan un animal mester tabatin pa consider’é limpi pa come? (Levítico 11:3)
17. Di kico Sálomon a traha su trono? (1 Reynan 10:18)
18. Con Jesus a cuminsá su combersacion cu e muher samaritano na e pos? (Juan 4:7)
19. Unda Cain a mata Abel? (Génesis 4:8)
20. Cua ta e promé para cu Bijbel ta mencioná specíficamente pa nomber? (Génesis 8:7)
Contestanan Riba e Kwes
1. Señornan di as
2. Piscá, comcomber, patia, prei, siboyo i konofló
3. Traha duru ni hila
4. E por a anul’é
5. Nan tabata sunchi otro
6. Traha imágen i adorá nan
7. Nan a ricibí nan verbalmente na Ceru Sínai, ora Jehova a papia “for di meimei dje candela”
8. Rey David; e tempel
9. Diesdos; cada un a soru pa e famia di cas di Sálomon tin cuminda i otro provision durante un luna pa aña riba un base rotativo
10. “Pasobra Dios ta oponé esnan halsá, pero e ta duna bondad inmerecí na esnan humilde”
11. “Tantu [e] filósofonan epicureo como stoico”
12. E Urim i e Tumim
13. Ezekiel (Ezekiel, capítulo 1)
14. Agaguita
15. Hin
16. E mester tabata un herkouwer i mester tabatin pata di split i completamente partí na dos
17. Ivor cubrí cu oro
18. El a pidié un tiki awa pa bebe
19. Den cunucu
20. Raf