Bo Sa E Contesta?
(Por haña e contestanan dje kwes aki den e textonan di Bijbel duná, i e lista completo di contesta ta imprimí na página 30. Pa mas informacion, consultá e publicacion na spañó “Perspicacia pa Comprendé e Scritura,” publicá dor di Watchtower Bible and Tract Society of New York, Inc.)
1. Cua tribu di Israel a sufri e pérdida mas grandi den hombernan apto pa sirbishi militar (mas cu 60 porciento) ora cu a haci un di dos censo den desierto? (Númeronan 1:23; 26:14)
2. Kico Jesus a bisa cu esnan resucitá lo no haci? (Lucas 20:35)
3. Cu ken Agur a papia e palabranan na Proverbionan capítulo 30? (Proverbionan 30:1)
4. Segun Pablo, kico hende mester rehací pa por cumpli cu Dios su boluntad? (Romanonan 12:2)
5. Ken Gamaliel a usa como ehempel pa persuadí e Sanedrin pa no molestiá e cristiannan? (Echonan 5:34-40)
6. Pa evitá di haci Maria “un espectáculo público,” kico José tabatin intencion di haci? (Mateo 1:19)
7. Di con hende “cu tabata biba den Lida i e sabana di Saron . . . a bira bek na Señor”? (Echonan 9:35)
8. Con e fariseo i e saduceonan a purba tenta Jesus? (Mateo 16:1)
9. Kico Jehova a haci cu e angelnan malbado cu a bandoná nan debido lugá di biba? (Hudas 6)
10. Kico kier men cu hende a ser creá den imágen di Dios? (Génesis 1:27)
11. Kico Dios tabata kier men ora el a bisa cu tera ta e banki pa su pia? (Isaías 66:1)
12. Na unda Cleopas i un compañero disipel tabata bai ora Jesus a materialisá i compañá nan? (Lucas 24:13)
13. Kico nos por ta sigur di dje, si nos cana “liber di falta”? (Salmo 84:11)
14. Kico Pablo cu Akila tabatin en comun? (Echonan 18:3)
15. Cuantu yu Dios a predicí cu Abraham su yu Ismael lo haña? (Génesis 17:20; 25:16)
16. Cuantu “alma dje cas di Jacob” a bini Egipto riba instruccion di fárao? (Génesis 46:27)
17. Cu kico Jesus a compará esnan cu ta haci bon na esun mas chikitu di su rumannan? (Mateo 25:31-45)
18. Cua título, sacá for dje promé i último letter dje alfabet griego, ta duná na Dios? (Revelacion 1:8)
Contestanan dje Kwes
1. E tribu di Simeon
2. Casa
3. Itiel i Ucal
4. Bo mente
5. Teudas i Hudas e galileo
6. Divorci’é
7. Nan a mira cu Pedro a cura Eneas den nomber di Jesus
8. Nan “a pidié mustra nan un señal di shelu”
9. Nan ta “reservá cu cadena eterno bou di scuridad diki p’e huicio dje gran dia”
10. E tabatin cualidadnan semehante na esnan di su Creador cu a distinguié di bestia
11. Esaki ta idioma ilustrativo pa indicá cu su trono den shelu ta muchu mas haltu cu tera
12. Emaus
13. Cu Jehova “lo no retené nada di loke ta bon” for di nos
14. Nan tur dos tabatin “e ofishi di trahadó di tent”
15. Diesdos
16. Setenta
17. Carné
18. “E Alfa i e Omega”