Lès 12

Mustrando Respet pa Bida i pa Sanger

Con nos mester mira bida? (1) aborto? (1)

Con cristiannan ta demostrá cu nan ta interesá den e siguridad di nan mes i di otronan? (2)

Ta malu pa mata bestia? (3)

Cua ta algun práctica cu no ta mustra respet pa bida? (4)

Kico e ley di Dios ta bisa tocante sanger? (5)

Esaki ta incluí transfusionnan di sanger? (6)

1. Jehova ta e Fuente di bida. Tur cos bibiente ta debe nan bida na Dios. (Salmo 36:9) Bida ta sagrado pa Dios. Asta e bida di un mucha cu no a nace i cu ta den barica di su mama ta precioso pa Jehova. Mata deliberadamente un baby den desaroyo asina ta malu den bista di Dios.—Exodo 21:22, 23; Salmo 127:3.

2. Cristiannan berdadero ta interesá den e siguridad di nan mes i di otronan. Nan ta haci sigur cu nan auto i nan cas no tin peliger. (Deuteronomio 22:8) Dios su sirbidornan no ta tuma rísiconan innecesario cu nan bida djis pa placer of excitacion. Pues nan no ta participá den deportenan violento cu ta lastimá otro hende deliberadamente. Nan ta evitá entretenimentu cu ta stimulá violencia.—Salmo 11:5; Juan 13:35.

3. Bida di bestia tambe ta sagrado pa e Creador. Un cristian por mata bestia pa percurá cuminda i paña of pa protehá su mes di malesa i peliger. (Génesis 3:21; 9:3; Exodo 21:28) Pero ta malu pa maltratá bestia of mata nan djis pa deporte of pa placer.—Proverbionan 12:10.

4. Humamentu, kou riba ‘betelnoot’ i usa droga pa placer no ta pa cristiannan. E prácticanan aki ta malu pasobra (1) nan ta sclabisá nos na nan, (2) nan ta haci daño na nos curpa, i (3) nan ta impuru. (Romanonan 6:19; 12:1; 2 Corintionan 7:1) Por ta hopi difícil pa stop cu e hábitonan aki. Pero nos mester haci esei pa agradá Jehova.

5. Sanger tambe ta sagrado den Dios su bista. Dios ta bisa cu e alma, of bida, ta den e sanger. Pues, ta incorecto pa come sanger. Tambe ta incorecto pa come e carni di un bestia cu nan no a laga sangra debidamente. Si un animal stik of e muri den un trampa, no mag di com’é. Si el a ser tirá mata, mester ta lihé pa lagu’é sangra si e ta pa come.—Génesis 9:3, 4; Levítico 17:13, 14; Echonan 15:28, 29.

6. Ta malu pa aceptá transfusion di sanger? Corda, Jehova ta rekerí pa nos abstené di sanger. Esaki ta nificá cu nos no mag tuma e sanger di otro hende den nos curpa den absolutamente ningun manera, ni sikiera nos mes sanger cu a ser wardá. (Echonan 21:25) Pues cristiannan berdadero lo no aceptá transfusion di sanger. Nan lo aceptá otro clase di tratamentu médico, manera transfusion di productonan cu no ta contené sanger. Nan kier biba, pero nan lo no purba di salba nan bida dor di violá e leynan di Dios.—Mateo 16:25.

[Plachi na página 25]

Pa agradá Dios, nos mester evitá transfusion di sanger, hábitonan impuru i rísiconan innecesario