Dios Ta Invita Bo Pa Bira Su Amigu

Dios kier pa bo ta su amigu. Bo a yega di pensa cu bo por ta amigu dje Persona di mas grandi den universo? Abraham, kende a biba hopi tempu pasá, a ser yamá amigu di Dios. (Santiago 2:23) Bijbel ta mencioná otro hende tambe cu a disfrutá di Dios su amistad i cu a ser bendicioná ricamente. Awe, hende di tur parti di mundu a bira amigu di Dios. Abo tambe por ta amigu di Dios.

Ser amigu di Dios ta mihó cu ser amigu di cualkier hende. Dios nunca ta decepcioná su amigunan leal. (Salmo 18:25) Ser amigu di Dios ta mihó cu poseé rikesa. Ora un persona ricu muri, otro hende ta haña su placa. Sin embargo, esnan cu ta disfrutá di un amistad cu Dios tin un tesoro cu ningun hende no por kita for di nan.—Mateo 6:19.

Algun hende lo por purba stop bo di siña tocante Dios. Asta algun di bo amigu i famianan lo por haci esaki. (Mateo 10:36, 37) Si otronan ta hari of menasá bo, puntra bo mes: ‘Ken mi kier agradá—hende of Dios?’ Pensa riba esaki: Si un hende bisa bo stop di come, lo bo obedec’é? Claro cu no! Bo mester di cuminda pa biba. Pero Dios por laga bo biba pa semper! P’esei, nunca no laga ningun hende stop bo di siña con bo por ta un amigu di Dios.—Juan 17:3.