Yehova, Dios di Pas

1. O Dios di amor i pas

i di tierno suavedat,

permití bo sirbidónan

biba den trankilidat.

Pa pas nos kultivá,

pa hustisia abundá

i pa tur nos pensamentu

ta trankil i protehá.

2. E mundu alehá

di bo lus i amistat

no tin pas, nò, niun kaminda;

solamente banidat.

Ma nos ta kultiv’é,

traha duru pa kuid’é,

i ta sigui supliká bo:

Yuda nos p’e floresé.

3. Den lus di bo bèrdat

mi tin pleno klaridat.

Ku bo guia protehá nos

for di mundu su maldat.

Bo pas ta karisiá

mi spiritu angustiá,

pa mi kurason i mente

por ta semper protehá.