Un Bon Konklushon

Eklesiástes 12:13, 14

RESÚMEN: Usa bo último remarkenan pa motivá bo oyentenan pa aseptá i pone na práktika loke nan a siña.

KON PA LOGR’É:

• Konektá bo konklushon ku bo tópiko sentral. Ripití, òf usa otro palabra pa resumí e puntonan prinsipal i e tema.

• Motivá bo oyentenan. Mustra bo oyentenan kiko nan tin ku hasi, i duna nan bon motibu pa hasi esei. Papia ku sinseridat i ku konvikshon.

• Mantené bo konklushon simpel i breve. No introdusí punto prinsipal nobo. Den poko palabra, si ta nesesario, hasi un último yamada riba bo oyentenan pa nan tuma akshon.