KUMINSÁ UN KÒMBERSASHON
LÈS 6
Mustra Kurashi
Prinsipio di Beibel: “Nos a tuma un kurashi ku yudansa di nos Dios pa konta boso e bon notisia.”—1 Tes. 2:2.
Loke Hesus A Hasi
1. Wak e VIDIO òf lesa Lukas 19:1-7. Despues, analisá e siguiente preguntanan:
Dikon algun hende no tabata gusta Zakeo?
Kiko a motivá Hesus pa prediká na dje?
Kiko Nos Ta Siña for di Hesus?
2. Pa nos por prediká tokante e Reino di Dios na tur sorto di hende, nos mester di kurashi.
Imitá Hesus
3. Konfia den Yehova. Ku yudansa di spiritu santu, Hesus tabatin forsa pa prediká. Spiritu santu por yuda abo tambe. (Mat. 10:19, 20; Luk. 4:18) Pidi Yehova yuda bo prediká ku kurashi na e hendenan ku lo bo tin miedu di prediká na dje.—Echo. 4:29.
4. No husga hende. Kisas nos ta duda pa prediká na algun hende. Kisas nan aparensia, posishon sosial òf finansiero, estilo di bida òf nan kreensianan ta pone nos duda pa prediká na nan. Pero kòrda:
Yehova i Hesus por mira loke tin den kurason di hende, nos nò.
No pensa ku Yehova no por yuda un persona.
5. Tene kurashi pero mustra rèspèt i sea kouteloso. (Mat. 10:16) No diskutí ku hende. Si un persona no ke skucha e bon notisianan ku nos ta prediká òf si bo no ta sinti bo safe, terminá e kòmbersashon na un manera amabel.—Pro. 17:14.