KUMINSÁ UN KÒMBERSASHON
LÈS 5
Usa Takto
Prinsipio di Beibel: “Laga boso palabranan semper ta ku grasia.”—Kol. 4:6.
Loke Pablo A Hasi
1. Wak e VIDIO òf lesa Echonan 17:22, 23. Despues, analisá e siguiente preguntanan:
Kon Pablo a sinti ora el a mira ku e hendenan na Aténas ta sigui kustumber religioso falsu?—Wak Echonan 17:16.
Na lugá di kondená e hendenan di Aténas, kon Pablo a usa nan kreensianan na un manera respetuoso pa kompartí bon notisia di Dios ku nan?
Kiko Nos Ta Siña for di Pablo?
2. Hende lo ta mas dispuesto pa skucha nos si nos ta wak bon kiko nos ta bisa, kon nos ta papia i ki ora pa papia.
Imitá Pablo
3. Skohe bo palabranan bon. Por ehèmpel, ora bo topa un persona ku no ta kristian, kisas lo bo tin ku adaptá bo manera di introdusí un tópiko di Beibel òf kisas lo bo tin ku buska otro manera pa referí na Hesus.
4. No sea lihé pa korigí un persona. Laga e persona ekspresá su mes. Si e bisa algu ku no ta kuadra ku loke Beibel ta siña, no diskutí kuné. (Sant. 1:19) Ora nos ta skucha un persona, nos lo haña sa kiko e persona ei ta kere den dje i dikon e ta kere den e kosnan ei.—Pro. 20:5.
5. Ora ta posibel, bai di akuerdo ku e persona i elogi’é. Kisas e ta pensa sinseramente ku loke e ta kere den dje ta bèrdat. Purba di papia tokante un tópiko ku boso tur dos ta di akuerdo kuné i, ku tempu, purba di yuda e persona komprondé loke Beibel ta siña.