Kiko Beibel Ta Bisa?

Nos ta bibando den “e último dianan”?

Kiko lo bo kontestá?

• Sí

• Nò

• Kisas

Loke Beibel Ta Bisa

“Den e último dianan lo bini tempunan krítiko, difísil pa trata kuné.” (2 Timoteo 3:1) Profesianan di Beibel i susesonan aktual ta mustra ku nos ta bibando den “e último dianan.”

Kiko mas nos por siña for di Beibel?

• Den e último dianan lo tin guera, skarsedat di kuminda, temblor i epidemia di malesa mortal.—Mateo 24:3, 7; Lukas 21:11.

• Den e último dianan hende lo bira mas inmoral i ménos interesá den sirbi Dios. —2 Timoteo 3:2-5.

Ki futuro ta spera humanidat?

Algun hende ta kere  . . . ku na fin di e último dianan, mundu i tur hende riba dje lo ser destruí. Otro hende ta spera ku kondishon di mundu lo mehorá. Kiko abo ta pensa?

Loke Beibel ta bisa

“E hustunan lo heredá e tera, i lo biba den dje pa semper.”—Salmo 37:29.

Kiko mas nos por siña for di Beibel?

• E último dianan lo kaba ora Dios pone fin na tur maldat.—1 Huan 2:17.

• Tera lo ser transformá den un paradeis. —Isaías 35:1, 6.