Superintendentenan Ta Hiba Delantera—E Secretario
1 E secretario di congregacion ta hunga un papel vital den haci sigur cu “tur cos [ta] tuma lugá decentemente i segun areglo.” (1 Cor. 14:40) Como miembro dje Comité di Sirbishi di Congregacion, e ta atendé tur corespondencia i registro importante dje congregacion. Aunke su debernan tal bes no ta riparabel pa tur hende, manera dje otro ancianonan, su servicio ta masha necesario i hopi apreciá.
2 Ora e congregacion ricibí carta for di Sociedad of for di otro hende, e secretario ta atend’é i ta soru pa contestá e carta si mester. E ta haci sigur cu e cartanan ricibí ta pasa den man di tur e ancianonan i despues ta warda nan den archivo pa referencia. E ta controlá tur e formularionan di pedido di revista i di literatura i ta manda nan pa Sociedad. E ta supervisá directamente esnan cu ta manehá cuenta i abonament i tambe tur asuntu relacioná cu congreso.
3 Ya cu tur luna e secretario tin cu manda Sociedad e raport di sirbishi di veld dje congregacion pa dia seis di luna, ta esencial pa nos tur raportá nos actividad di veld unbes na fin di cada luna. Anto e ta skirbi e raportnan di sirbishi over riba e karchi di Registro di Publicadó di Congregacion. Cualkier publicadó por pidi pa wak su registro personal di actividad.
4 Ora un publicadó muda bini na e congregacion of muda bai for di dje, e secretario ta pidi of manda e ancianonan dje otro congregacion un carta di introduccion huntu cu e Registro di Publicadó di Congregacion dje ruman ei.—Nos Ministerio, pág. 104-5.
5 E secretario ta repasá e actividad dje pioneronan i ta tene e ancianonan, foral e superintendente di sirbishi, na haltura di cualkier problema cu e pioneronan por tin. E ta spierta e conductornan di Studio di Buki di Congregacion di publicadónan cu ta iregular den sirbishi di veld. E secretario huntu cu e superintendente di sirbishi ta hiba delantera den coordiná esfuersonan pa yuda esnan inactivo.—Nuestro Ministerio del Reino, november 1987, pág. 1.
6 Awor cu nos ta comprendé e debernan dje secretario mihó, laga nos haci loke nos por pa yuda haci su trabou di mayordomo mas fácil p’e cumpli cuné.—1 Cor. 4:2.