Programa Nobo di Dia Special di Asamblea

Tema dje programa di dia special di asamblea cu ta cuminsá di september 1999 padilanti ta: “Scudriñá e Cosnan Profundo di Dios.” (1 Cor. 2:10) Ki cosnan balioso nos lo siña?

Den hende su búskeda pa conocimentu, hopi di nan no ta ser refrescá cu loke nan haña. Bijbel sí ta yena nos cu energia, manera e parti dje superintendente di circuito, titulá “Scudriñá e Palabra di Dios Ta Trece Refrescamentu,” lo mustra. E orador invitá lo mustra e coneccion entre scudriñá den e cosnan profundo di Dios cu predicá e bon nobo, ora e trata e pregunta “Con Bo Ta Mira Predicacion di Reino?”

Con mayornan por yuda nan yunan coba hundu den e Palabra di Dios? Lo duna sugerencianan práctico den e parti “Inculcá e Palabra di Dios den Bo Yunan.” Hóbennan cristian ta ser influenciá di un manera sano dor di asociá cu esnan spiritualmente maduro den congregacion. E parti “Hóbennan Cu Ta Siña for di Hende Grandi,” lo resaltá ehempelnan cu ta mustra cua ta e bon efecto dje tipo di asociacion ei.

Pakico nos den e tempu aki mester busca diligentemente pa tesoro spiritual scondí? Jehova ta un Revelador di secreto. E orador invitá lo splica kico Jehova a revelá den tempu antiguo i actual, den e discurso “Jehova Ta Revelá Cosnan Profundo Progresivamente.” Esaki lo fortalecé nos determinacion pa sigui “scudriñá e cosnan profundo di Dios.”

Planea awor pa asistí. Esnan cu ta deseá di simbolisá nan dedicacion na Jehova mediante bautismo, mester informá e superintendente presidente mas pronto posibel. Nos deseo sincero pa scudriñá e Palabra di Dios lo ser fortificá dor di loke nos tende. Pues, no perde e dia special aki di instruccion spiritual!