Kongresonan Internashonal i di Distrito Ta Stimulá Nos pa Duna Gloria na Dios!

E Kongresonan Internashonal i di Distrito “Duna Gloria na Dios” ku a ser tené te ku awor a sirbi komo un tremendo testimonio. E eventonan teokrátiko importante aki a sirbi pa engrandesé e nòmber di Yehova i hasi nos mas kapas pa “atribuí na SEÑOR e gloria debí na su nòmber.” (Sal. 96:8) Sí, e meresé gloria pa motibu di su maravioso obranan di kreashon ku ta reflehá su kualidatnan sobresaliente.—Jòb 37:14; Rev. 4:11.

Usa e siguiente preguntanan huntu ku bo notanan personal pa bo prepará i partisipá na e repaso di e programa di kongreso ku lo ser tené durante e siman di 20 di òktober.

1. Kon kreashon sin bida ta deklará e gloria di Dios, i ki diferensia tin entre esaki i e manera ku hende ta alab’é? (Sal. 19:1-3; “Kreashon Ta Deklará e Gloria di Dios”)

2. Ki realidat aktual e transfigurashon ta prefigurá, i kon e realidat aki ta stimulá kristiannan djawe? (Diskurso klave, “Vishonnan Profétiko Glorioso Ta Stimulá Nos!”)

3. Kon nos por kultivá e klase di humildat ku profeta Daniel a desplegá, i kon esaki lo benefisiá nos? (Dan. 9:2, 5; 10:11, 12; “Yehova Ta Revelá Su Gloria n’e Humildenan”)

4. (a) Kua ta e tres kosnan tokante e huisio di Dios ku nos por siña for di e profesia di Amos? (Amos 1:3, 11, 13; 9:2-4, 8, 14) (b) Ki lès práktiko Testigunan di Yehova djawe por saka for di e spièrtamentu ku nos ta haña na Amos 2:12? (“E Profesia di Amos—Su Mensahe pa Nos Tempu”)

5. (a) Kiko ta e peligernan ku uso di mas di alkohòl ta trese kuné asta si e persona no ta bira burachi? (b) Kon lo bo por korigí un falta di moderashon den uso di alkohòl? (Mar. 9:43; Efe. 5:18; “Evitá e Trampa di Bebe di Mas”)

6. Kon e publikashon nobo “Mira e Tera Bunita” ta yudando bo? (“‘E Tera Bunita’—Un Bista Delantá di Paradeis”)

7. Den kua tres maneranan nos lo por “reflehá manera spil e gloria di Yehova”? (2 Kor. 3:18; “Reflehá Manera Spil e Gloria di Yehova”)

8. Kiko ta e orígen di odio sin motibu, i kiko por yuda nos mantené nos integridat apesar ku nos ta eksperensiá e odio ei? (Sal. 109:1-3; “Odiá sin Motibu”)

9. Kiko ta Kristu su punto di bista di grandesa, i kon un persona por determiná ku e mester desaroyá e punto di bista ei mas plenamente? (Mat. 20:20-26; “Kultivá Kristu Su Punto di Bista di Grandesa”)

10. Kiko por yuda nos keda spiritualmente yen di vigor maske nos ta físikamente kansá? (“Kansá, Pero Nos No Ta Entregá”)

11. Kua ta algun di e agentenan ku Satanas ta usa pa promové falsedat, i kon segun Beibel nos tin ku reakshoná riba kualkier intento pa debilitá nos fe? (Juan 10:5; “Tene Kuidou ku ‘Bos di Hende Straño’”)

12. (a) Kon mayornan por sigui e ehèmpel di Hesus menshoná na Marko 10:14 i 16? (b) Kiko bo ta gusta di e buki nobo Siña for di e Gran Maestro? (“Nos Yunan—Un Herensia Presioso”)

13. Kon Hóbennan ta alabá Yehova? (1 Tim. 4:12; “Kon Hóbennan Ta Alabando Yehova”)

14. Kua esenanan di e drama “Nan A Duna Testimonio ku Kurashi Apesar di Oposishon” a impreshoná bo mas?

15. Kon nos por imitá e ehèmpelnan di (a) Pedro ku Juan? (Echo. 4:10) (b) Esteban? (Echo. 7:2, 52, 53) (c) e kongregashon kristian di promé siglo? (Echo. 9:31; drama i e diskurso “Deklará e Bon Nobo sin Stòp”)

16. (a) Den ki maneranan nos a determiná pa duna gloria na Dios? (b) Di kiko nos por ta sigur ora nos apliká loke nos a siña na e kongreso “Duna Gloria na Dios”? (Juan 15:9, 10, 16; “Sigui ‘Duna Hopi Fruta’ pa e Gloria di Yehova”)

Dor di meditá riba e ekselente instrukshon spiritual ku a ser presentá na e kongreso, nos lo ser motivá pa praktiká e kosnan ku nos a siña. (Fil. 4:8, 9) Esaki lo fortalesé nos determinashon pa “hasi tur [kos] pa e gloria di Dios.”—1 Kor. 10:31.