Un Vidio Ku Ta Splika un Desaroyo Médiko Importante

Profeshonalnan hurídiko i riba tereno di salú ta dunando mas i mas atenshon na derecho- i prinsipionan moral di pashèntnan. Dor di esaki a bini terapia- i métodonan nobo ku Testigunan di Yehova por benefisiá di dje. (Echo. 15:28, 29) Esaki ta e tema di e vidio Asistensia Médiko sin Transfushon: Kumpliendo ku Nesesidat i Derecho di Pashènt. Wak e, i despues repasá loke bo a siña.—Nota: Komo ku e vidio tin algun esena kòrtiku di operashon, mayornan mester tene kuidou ora nan ta wak e ku mucha chikí.

(1) Dikon algun profeshonal den e kampo médiko ta rekonsiderando uso di transfushon di sanger? (2) Menshoná tres ehèmpel di operashon kompliká ku hende lo por hasi sin transfushon di sanger. (3) Kuantu dòkter i siruhano mundialmente a indiká ku nan ta dispuesto di trata nan pashèntnan sin transfushon di sanger? Dikon nan ta dispuesto pa hasi esei? (4) Kiko estudionan resien hasí den hospitalnan a revelá tokante uso di sanger? (5) Kiko ta e riesgonan médiko ku transfushon di sanger ta trese kuné? (6) Na ki konklushon hopi eksperto a yega relashoná ku e benefisionan di alternativanan pa transfushon? (7) Kiko ta kousa anemia? Te na ki grado hende por soport’é sin afektá nan salú? Kiko por hasi pa remedi’é? (8) Kon por stimulá kurpa di un pashènt pa produsí sèl kòrá? (9) Ki téknika dòkternan ta usa pa minimisá pèrdida di sanger durante operashon? (10) Por usa alternativanan pa transfushon den kaso di mucha òf ora ta trata di hende ku ta den un situashon di bida òf morto? (11) Kua ta un di e prinsipionan étiko mas importante di un bon kuido médiko? (12) Dikon ta importante pa kristiannan disidí di antemano kua tratamentunan sin sanger nan lo ke? Kon nan por hasi esaki?

Kada persona tin ku disidí di akuerdo ku su konsenshi bíblikamente entrená si e ta aseptá òf rechasá sierto tratamentunan ku e vidio ta presentá. Bo a disidí kua tratamentu sin sanger bo ta dispuesto di aseptá pa bo mes i pa bo yunan? Bo famianan ku no ta Testigu tambe mester ta bon informá di bo desishonnan i e motibunan tras di esakinan.—Wak “Pregunta di Lektor” den E Toren di Vigilansia di 15 di yüni 2004, i di 15 di òktober 2000.