Konstrukshon di Salòn di Reino—Un Aspekto Importante di Sirbishi Sagrado
1 Durante e último sinku añanan, rumannan a traha 633 Salòn di Reino, remodelá 1.193 i drecha 1.785 den e teritorio di e sukursal di Merka. Ounke esaki ta un gran logro, ainda tin hopi trabou den e ramo di konstrukshon di Salòn di Reino. Aki na Antianan Hulandes i Aruba tambe nos ta hasiendo trabou di konstrukshon i renobashon. Aktualmente nos ta konstruyendo un Salòn di Reino nobo na Tera Cora, Kòrsou. Pronto lo kuminsá tambe ku renobashon di e Salòn di Reino di Boneiru, i na Aruba nos ta planiando pa traha un Salòn di Reino i drecha otro salònnan. Kon nos tur por apoyá e aspekto importante aki di nos sirbishi sagrado na Yehova?—Rev. 7:15.
2 Sea Dispuesto: Si bo ta un publikadó batisá, nos ta invitá bo pa pone bo mes disponibel pa traha huntu ku e Komité Regional di Konstrukshon dor di yena un Lista di Pregunta pa Trahadónan Boluntario den Konstrukshon di Salòn di Reino. (Sal. 110:3) Tur boluntario mester ta trahadónan ku ta dispuesto pa traha i kla pa koperá. (Sal. 133:1) Asta si bo no tin konosementu di trabou di konstrukshon, bo por ta di gran yudansa pa un proyekto di konstrukshon. Tin posibilidat tambe pa bo haña entrenamentu ku ta permití rumannan hasi uso di bo yudansa mas tantu ainda den futuro.
3 Si bo no por traha komo boluntario, bo por demostrá bo apoyo dor di animá otronan ku sí por partisipá den e areglo. Bo por yuda ku e asignashonnan di kongregashon di esnan ku no t’ei. Dor di plania di antemano, ansianonan por hasi sigur ku kosnan ta sigui kana na òrdu den kongregashon ora algun ruman ta traha riba un proyekto di Salòn di Reino. Sin duda, Yehova ta keda kontentu ora nos ta traha unidamente pa promové interesnan Reino.—Heb. 13:16.
4 Sea Positivo: Konstrukshon di lugánan di adorashon ta enserá hopi tempu i trabou duru. P’esei anto, ta di komprondé ku rumannan ku haña invitashon pa yuda den proyektonan di konstrukshon lo ta ousente de bes en kuando. Sea kla pa elogiá i animá boluntarionan den e trabou di konstrukshon, kendenan ta hasi sakrifisio pa kumpli ku e “tarea” nesesario aki.—Echo. 6:3; Rom. 14:19.
5 Sea Balansá: Nos aktividat teokrátiko prinsipal ta e predikashon di e Reino di Dios. (Mar. 13:10) Ku esaki na mente, esnan responsabel lo programá proyektonan di tal manera ku rumannan boluntario no tin nodi ta ousente for di nan kongregashonnan innesesariamente. Di mes manera, boluntarionan di konstrukshon mester hasi esfuerso pa kumpli ku nan vários responsabilidatnan di un manera balansá. Nan ta tuma inisiativa pa hasi areglo pa otro rumannan kumpli ku nan responsabilidatnan di kongregashon ora nan ta ousente.
6 Apòstel Pablo a deskribí kon miembronan di kongregashon ta traha huntu den union p’e “kresementu di e kurpa pa edifikashon di su mes den amor.” (Efe. 4:16) Nos amor pa Yehova i pa adorashon berdadero ta motivá nos pa koperá huntu pa prediká e bon nobo i apoyá e trabou di konstrukshon di Salòn di Reino.
[Study Questions]
1. Kiko rumannan a logra den e trabou di konstrukshon di Salòn di Reino, pero ki otro trabounan mas tin?
2. Kon nos por apoyá e trabou di konstrukshon di Salòn di Reino na un manera direkto?
3. Den ki otro maneranan nos por mustra ku nos ta apoyá e areglo aki?
4. Kon nos por animá rumannan ku ta partisipá den proyektonan di konstrukshon di Salòn di Reino?
5. Kon e boluntarionan di konstrukshon por mustra ku nan ta balansá?
6. Ora tur ruman den e kongregashon ta traha huntu pa promové adorashon berdadero, kiko nan ta logra?