Programa Nobo pa Dia Spesial di Asamblea

Tema di e programa pa e dia spesial di asamblea pa aña di sirbishi 2008 ta “Nos Ta e Klei—Yehova Ta Nos Alfarero,” i e ta basá riba Isaias 64:8. E konsehonan bíbliko ku nos lo haña durante e programa aki lo oumentá nos apresio pa Yehova su sabiduria, hustisia, poder i amor komo e Gran Alfarero.

E diskurso di e superintendente di sirkuito ku e tema “Sirbi Komo Opheto di Onor den e Ministerio,” lo mustra kon mas i mas hende ta disfrutando di hopi bendishon debí ku nan ta siña konosé e bèrdat i ta kompartié ku otro hende. E diskurso “Meditashon Lo Protehá Bo” lo mustra kon ora nos ta meditá riba e prinsipionan hustu di Yehova, esei ta protehá nos. E oradó bishitante lo papia ku e presentenan riba e temanan “No Sea Konforme e Mundu Aki” i “Laga e Gran Alfarero Forma Bo.” E partinan “Hóbennan Ku Ta Útil pa Yehova” i “Papel Importante di Mayornan den e Proseso di Formashon” lo ta un animashon pa mayornan i hóbennan. Lo ta un goso pa nos opservá demostrashonnan i tende entrevistanan ku ta mustra kiko nos rumannan ta logrando den nan ministerio. Esnan ku ta deseá di simbolisá nan dedikashon na Dios mediante boutismo mester informá e superintendente presidente mas pronto posibel. Kòrda bin ku E Toren di Vigilansia ku nos lo studia e siman di e dia spesial di asamblea.

Sea kual sea e propósito di e Gran Alfarero, e ta kumpli kuné. Pero ta nos kada un tin ku disidí kon nos lo reakshoná ora e ta trata di forma nos. Esnan ku ta sabí i ta someté nan mes na e normanan i formashon di Yehova lo ta manera un pida klei den man di un alfarero ku ta ser formá, refiná i transformá den artíkulonan útil. Ora nos ta koperá ku Yehova, nos ta duna gloria na su soberania i ta risibí hopi bendishon.