Bo Sa Ki Opshon Bo Tin?

Mas i mas hospital rònt mundu ta hasi operashon sin sanger. Bo sa ki opshonnan bo tin pa haña kuido médiko sin sanger? Bo mester ta bon informá tokante e opshonnan ku tin pa bo por tuma un bon desishon ora bo tin ku operá òf risibí tratamentu médiko. Wak e vidio Sin Sanger​—⁠Medisina Ta Aseptá e Reto. Despues, hasi orashon tokante e asuntu i usa e siguiente preguntanan pa wak kiko bo a komprondé.⁠—⁠Nota: Komo ku e vidio tin algun esena kòrtiku di operashon, mayornan mester evaluá si nan ta wak e vidio huntu ku nan yunan chikí.

(1) Kua ta e motibu prinsipal pakiko Testigunan di Yehova ta nenga transfushon di sanger? (2) Ora ta trata di kuido médiko, kiko Testigunan di Yehova ta deseá? (3) Ki derecho básiko tur pashènt tin? (4) Pakiko ta lógiko i responsabel pa skohe alternativanan pa transfushon? (5) Ora un hende pèrdè hopi sanger, kua dos prioridat urgente dòkternan tin? (6) Kua ta e kuater prinsipionan di strategia alternativo pa transfushon? (7) Kon dòkternan por (a) minimisá pèrdida di sanger, (b) konserbá sèl kòrá di sanger, (c) stimulá produkshon di sanger i (d) rekuperá sanger ku a pèrdè? (8) Deskribí kiko ta (a) hemodilushon i (b) resiklahe òf rekuperashon di sèl. (9) Relashoná ku kualke alternativa pa transfushon, kiko lo bo kier ta informá di dje? (10) Por hasi operashonnan serio i kompliká sin rekurí na transfushon di sanger? (11) Ki desaroyo positivo ta tumando lugá den e komunidat médiko?

Kada persona tin ku disidí di akuerdo ku su konsenshi bíblikamente entrená si e ta aseptá òf rechasá sierto tratamentunan ku el a mira den e vidio. Bo a disidí kua alternativa pa transfushon bo ta dispuesto pa aseptá pa bo mes i pa bo yunan? Bo a yena bo karchi di DPA kaba? Pa un konsiderashon detayá riba e asuntunan akí, repasá kuidadosamente “Pregunta di Lektor” den E Toren di Vigilansia di 15 di yüni 2004, i esun di 15 di òktober 2000. Despues usa e klat, “Kiko Mi Ta Pensa di Frakshonnan di Sanger i Tratamentu Médiko Ku Ta Enbolbé Mi Mes Sanger?” ku tin den e suplemento di Nos Ministerio di Reino di novèmber 2006 pa bo disidí kiko bo ta aseptá i kiko bo ta rechasá. Finalmente, yena loke bo a disidí riba bo karchi di DPA. Bo representantenan den asuntunan di kuido médiko i kualke famia ku no ta Testigu tambe mester ta bon informá di bo desishonnan.