Algun Sugerensia

Pa Kuminsá Estudio di Beibel Riba e Promé Djasabra di Yüli

“Hopi hende ta ripití e palabranan akí di e Orashon di Nos Tata: ‘Ku bo reino bini. Ku bo boluntat sosodé na tera meskos ku den shelu.’ Kiko bo ta kere e Reino ei ta? [Permití e persona kontestá.] E versíkulo di Beibel akí ta duna nos un idea.” Lesa Daniel 2:⁠44. Despues duna e doño di kas un ehemplar di E Toren di Vigilansia di 1 di yüli i lesa i trata e informashon bou di e promé pregunta na página 20 kuné. Ofres’é e revistanan, i traha afsprak pa bolbe i pa trata e siguiente pregunta.

E Toren di Vigilansia 1 di Yüli

“Hopi di nos ta lucha pa tene kabes riba awa, i algun hende ni sikiera tin e nesesidatnan básiko di bida. Bo ta kere ku lo yega un dia ku no tin pobresa mas? [Permití e persona kontestá. Despues lesa Salmo 9:⁠18.] E revista akí ta splika kiko ta e kousa di pobresa i kiko Beibel ta bisa ta e berdadero solushon pa e problema akí.”

¡Despertad! Yüli

Menshoná un tragedia ku ta den notisia. Despues bisa: “Dikon bo ta kere Dios ta permití kosnan asina sosodé? [Permití e persona kontestá.] Segun Beibel, Dios tin kompashon pa hende ku ta sufri. [Lesa Eksodo 3:⁠7.] Beibel ta bisa nos tambe dikon Dios ta permití sufrimentu i ku pronto lo e pone un fin na dje. E revista akí ta splika esaki.”