Algun Sugerensia

Pa Kuminsá Estudio di Beibel Riba e Promé Djasabra di Yüli

“Kasi tur hende ta deseá un bida largu i felis. Abo ta kere ku un dia siensia i medisina lo por logra esei? [Permití e persona kontestá.] Tuma nota di loke e revista akí ta bisa.” Mustr’é e artíkulo parti patras di E Toren di Vigilansia di 1 di yüli. Trata e informashon bou di e promé pregunta i lesa maske ta un di e tekstonan kuné. Ofres’é e revista i traha un afsprak pa trata e siguiente pregunta.

Nota: Tene un demostrashon di e sugerensia akí na e reunion di sirbishi di vèlt di 6 di yüli.

E Toren di Vigilansia 1 di Yüli

“Mayoria di hende ta bisa nos ku nan tin nan mes religion. Pero otronan ta bisa ku nan a pèrdè konfiansa den religion. Kiko abo ta pensa di religion? [Permití e persona kontestá.] Hesus a bisa kiko nos tin ku tene kuenta kuné ora nos ta analisá religion. [Lesa Lukas 6:44a.] E revista akí ta trata e mal fruta, esta e mal karakterístikanan ku religion a produsí. I tambe e ta kontestá e pregunta akí: Tin un religion ku ta digno di konfiansa?”

¡Despertad! Yüli

“Nos ta bishitando nos bisiñanan pa papia tokante un problema ku ta preokupá hopi hende, esta, inhustisia. Tin hende ku ta bringa kontra inhustisia pa medio di akshonnan di protesta. Bo ta kere ku esaki lo ta e solushon? [Permití e persona kontestá.] Beibel ta bisa nos kua ta e úniko solushon pa inhustisia. [Lesa Mateo 6:9, 10.] E revista akí ta kontestá e pregunta: ‘Protesta ta e solushon?’”

Bon Notisia di Parti di Dios!

“Awe nos ke kompartí un mensahe positivo di Beibel ku bo. Hopi hende ta puntra nan mes dikon un Dios di amor ta permití tantu sufrimentu. Bo ta kere ku el a pone nos na mundu pa sufri?” Permití e persona kontestá. Despues bai na lès 5, lesa i trata e promé dos paragrafnan i e tekstonan skirbí ku lèter skùin. Ofres’é e foyeto i traha un afsprak pa trata e siguiente pregunta skirbí ku lèter diki.