“Ofresé un Revista Ménos Resien òf Kualke Foyeto Ku un Tema Interesante”

Durante e lunanan ku nos ta ofresé e buki Beibel Ta Siña ku e propósito di kuminsá un estudio bíbliko na e promé bishita, nos ta ser animá tambe pa ‘ofresé un revista ménos resien òf kualke foyeto ku un tema ku ta interesá e persona.’ Hasi e oferta ei si e doño di kas tin e buki kaba i no ta aseptá un estudio bíbliko. Dikon?

Foyeto- i revistanan ménos resien ta kontené un variedat di tópiko masha oportuno. Kisas kualke un di e tópikonan den un di e publikashonnan ei por konmové e kurason di e doño di kas. P’esei, ora bo ta prepará bo tas di sirbishi, pone vários foyeto i revista ménos resien aden. Si bo no tin revista ménos resien bo por optené algun serka e sirbidó di revista. I si e doño di kas tin e buki Beibel Ta Siña kaba i e no ta interesá den un estudio bíbliko, bo por mustr’é algun di e revista- òf foyetonan ku bo tin i laga e mes skohe esun ku ta interes’é. Despues, hasi afsprak pa bolbe pa sigui kultivá su interes. Kisas ku tempu lo e aseptá un estudio bíbliko.