Un Manera pa Usa e Foyeto Beibel i Su Mensahe

Algun hende den nos teritorio, spesialmente esnan ku ta pertenesé na un religion no-kristian, no sa mashá di Beibel. Algun publikadó, ora nan ta studia ku personanan asina for di e buki Beibel Ta Siña, ta usa e foyeto Beibel i Su Mensahe (na spañó òf un otro idioma) pa duna nan studiante un resúmen kòrtiku di loke Beibel ta kontené. Por ehèmpel, un ruman hòmber ta usa sekshon 1 di e foyeto ora e ta studia kapítulo 3 di e buki Beibel Ta Siña. Djei padilanti, e ta konsiderá un sekshon na final di kada estudio. Bo ta studiando ku un persona ku no sa mashá òf nada di Beibel? Pa por yud’é ‘konosé e skrituranan santu ku por hasié sabí pa salbashon,’ usa e foyeto Beibel i Su Mensahe durante bo estudio ku e persona ei for di e buki Beibel Ta Siña.​—⁠2 Tim. 3:⁠15.