Algun Sugerensia

Pa Kuminsá Estudio di Beibel Riba e Promé Djasabra di Òktober

“Hende di diferente nashonalidat i kreensia religioso ta hasi orashon tur dia. Bo ta kere ku Dios ta skucha i ta kontesta tur orashon?” Permití e persona kontestá. Dun’é E Toren di Vigilansia di 1 di òktober i konsiderá e informashon huntu kuné bou di e promé pregunta na página 30. Lesa por lo ménos ún di e tekstonan menshoná. Ofres’é e revistanan, anto traha afsprak pa bolbe pa trata e siguiente pregunta.

E Toren di Vigilansia 1 di Òktober

Mustra e doño di kas e portada di e revista, i bisa: “Kon lo bo kontestá e pregunta akí? [Permití e persona kontestá.] Wak kiko Beibel ta bisa. [Lesa 1 Huan 5:⁠19.] Segun e teksto akí, ta “e Malbado,” òf Diabel, ta goberná mundu. Pero, esaki ta lanta algun pregunta. Di unda Diabel a bini? Realmente e ta eksistí? Pa kuantu tempu Dios lo permití Diabel goberná mundu? E revista akí ta mustra bo loke Beibel ta bisa tokante e tópiko akí.”

¡Despertad! Òktober

“Nos bishita awe ta na benefisio di tur e famianan den nos komunidat. Kiko bo ta pensa ta e reto di mas grandi ku mayornan tin awe ora ta trata di kriamentu di yu? [Permití e persona kontestá.] Hopi mayor ta akudí na Beibel pa haña konseho. Por ehèmpel, e konseho sabí akí ta yuda mayornan ora nan tin ku disipliná nan yunan. [Lesa Efesionan 4:⁠31.] E revista akí ta mustra kon konseho bíbliko por yuda mayornan den kada etapa di kresementu di nan yunan, for di infansia te adolesensia.”