Algun Sugerensia

Pa Kuminsá Estudio di Beibel Riba e Promé Djasabra di Òktober

“Nos ta hasiendo un bishita kòrtiku serka nos bisiñanan awe. Hopi hende ku nos a papia kuné ta bisa ku un di e situashonnan di mas difísil ku nan a yega di pasa aden ta e pèrdida di un ser kerí. Abo tambe ta pensa asina? [Permití e persona kontestá.] Mi a haña esaki hopi animante.” Mustra e persona e parti patras di E Toren di Vigilansia di 1 di òktober, trata e informashon di e promé pregunta i lesa por lo ménos ún di e tekstonan kuné. Ofres’é e revista i traha un afsprak pa trata e siguiente pregunta.

E Toren di Vigilansia 1 di Òktober

“Nos ta hasiendo un bishita kòrtiku pa animá bo pa lesa Beibel. Nos sa ku tin hende ta interesá den Beibel, pero otronan nò. Kiko di abo? [Permití e persona kontestá.] Wak kiko Beibel mes ta bisa. [Lesa 1 Tesalonisensenan 2:13.] Mi ta sigur ku lo bo ta di akuerdo ku mi ku si di bèrdat Beibel ta un buki di Dios, e ora ei ta bale la pena pa nos les’é. E revista akí ta splika brevemente kiko Beibel ta papia di dje i dikon e mester interesá nos.”

¡Despertad! Òktober

“Mi tin gana di sa bo opinion riba e pregunta akí: Nos por ta felis si nos no tin hopi kos material? [Permití e persona kontestá.] Wak kiko Beibel ta bisa. [Lesa 1 Timoteo 6:8.] E revista akí ta mustra kon nos por tin un punto di bista balansá di kos material i ta analisá tres kos balioso ku bo no por kumpra ku plaka.”