Algun Sugerensia

Pa Kuminsá Estudio di Beibel Riba e Promé Djasabra di Febrüari

“Algun hende ta kere ku Beibel ta un buki di profesia ku bo por konfia. Otronan ta pensa ku su pronóstikonan ta vago i ku por interpretá nan na hopi manera. Kiko ta bo opinion?” [Permití e persona kontestá.] Despues, dun’é E Toren di Vigilansia di 1 di febrüari i trata e informashon bou di e promé pregunta na página 11 i lesa por lo ménos un di e tekstonan. Ofres’é pa e keda ku e revista i traha afsprak pa trata e siguiente pregunta.

E Toren di Vigilansia 1 di Febrüari

“Bo ta di akuerdo ku nos por siña hopi for di hòmber- i muhénan importante di historia? [Permití e persona kontestá.] E versíkulo akí ta papia di un di nan, kende ta e úniko persona den Beibel ku Dios a yama ‘su amigu.’ [Lesa Santiago 2:23.] E revista akí ta splika dikon Dios a konsider’é su amigu i ki lès nos por siña for di e ehèmpel di Abraham.”

¡Despertad! Febrüari

“Awendia hopi hende ta gusta komuniká online. Bo ta kere ku e forma di komunikashon akí tin peliger kuné? [Permití e persona kontestá.] Beibel tin prinsipionan ku por yuda nos evitá e peligernan ei. [Bai na página 6-9, lesa un di e preguntanan i e teksto sitá bou di dje.] E revista akí lo yuda bo identifiká i tambe evitá e peligernan ku tin ora bo komuniká online.”