Algun Sugerensia

Pa Kuminsá Estudio di Beibel Riba e Promé Djasabra di Mart

“Bo ta kere ku awe Dios tin un organisashon, òf bo ta kere ku e ta trata ku kada hende apart? [Permití e persona kontestá.] Mira loke e informashon akí ta bisa tokante un pueblo ku Dios a organisá hopi tempu pasá.” Bai na página 30 di E Toren di Vigilansia di 1 di mart, i huntu ku e persona analisá e kontesta di e promé pregunta i lesa por lo ménos un di e tekstonan. Ofres’é pa e keda ku e revista i traha afsprak pa trata e siguiente pregunta.

E Toren di Vigilansia 1 di Mart

“Den último añanan, yen di hende ta papia tokante Armagedon. Bo ta pensa ku tin algu ku hende por hasi pa evitá un Armagedon? [Permití e persona kontestá.] Wak for di unda e palabra ‘Armagedon’ ta bini. [Lesa Revelashon 16:16. Despues mustr’é e portada di e revista.] Den e revista akí lo bo haña kontesta bíbliko pa e preguntanan akí.”

¡Despertad! Mart

“Nos ta papia ku nos bisiñanan tokante un tendensia alarmante. Parse ku awendia hende ta kla pa rabia i no por dominá nan temperamento. Kiko bo ta kere ta e motibu? [Permití e persona kontestá.] Wak kiko Beibel ta bisa tokante rabia. [Lesa Salmo 37:8.] E revista akí ta menshoná algun di e motibunan pakiko awendia tin mas tantu hende ta kana rònt ku rabia i tambe kon nos por kontrolá nos rabia.”