Algun Sugerensia

Pa Kuminsá Estudio di Beibel Riba e Promé Djasabra di Mei

“Hopi hende ta selebrá e nasementu di Hesus, no ta asina? Pero bo no ta haña ku ta importante pa konmemorá su morto?” Permití e persona kontestá i despues dun’é E Toren di Vigilansia di 1 di mei. Analisá huntu kuné e informashon ku tin bou di e promé pregunta na página 10. Lesa por lo ménos un di e tekstonan. Na final, traha afsprak pa konsiderá e siguiente pregunta.

E Toren di Vigilansia 1 di Mei

“Tin masha hopi iglesia i denominashon religioso, i kada un tin su mes kreensia- i normanan. Bo ta kere ku tur “kristian” realmente ta kristian? [Permití e persona kontestá.] Segun Hesus, esaki ta ún di e kosnan ku ta identifiká kristiannan berdadero. [Lesa Huan 13:34 i 35.] E revista akí ta analisá sinku deklarashon ku Hesus a hasi tokante kon nos por identifiká su berdadero siguidónan.”

¡Despertad! Mei

“Kasi tur hende ku nos papia kuné a yega di haña un trato inhustu na un momento òf otro den nan bida. Bo ta kere ku tin un solushon pa esaki? [Permití e persona kontestá.] Lesa kiko e profesia akí ta bisa di e gobernante ku lo bai kaba ku inhustisia. [Lesa Salmo 72:11-14.] E revista akí ta trata e promesanan di Beibel tokante un futuro kaminda hustisia lo reina.”