Algun Sugerensia

Pa Kuminsá Estudio di Beibel Riba e Promé Djasabra di Yüni

“Bo ta kere ku religion ta promové amor i pas òf mas bien odio i violensia? [Permití e persona kontestá.] Laga mi mustra bo algu interesante relashoná ku e tópiko akí.” Duna e persona E Toren di Vigilansia di 1 di yüni. Analisá huntu kuné e informashon ku tin bou di e promé pregunta na página 26 i lesa por lo ménos un di e tekstonan. Ofres’é e revista, i traha afsprak pa konsiderá e siguiente pregunta.

E Toren di Vigilansia 1 di Yüni

“Hopi hende ta haña ku religion mester enbolbé su mes den polítika, pero otronan ta di opinion ku religion mester keda leu for di polítika. Kiko abo ta pensa? [Permití e persona kontestá.] Ta bon pa nos wak kon Hesus a reakshoná ora hende tabata ke pa e drenta polítika. [Lesa Huan 6:15.] E revista akí ta splika dikon Hesus a reakshoná asina i tambe e ta mustra kua ta e mihó manera pa kristiannan yuda nan komunidat.”

¡Despertad! Yüni

“Tur aña miónes di hende ta bira malu pa motibu di kuminda kontaminá. Bo ta kere ku nos kuminda ta safe? [Permití e persona kontestá.] E revista akí ta trata kuater manera den kua nos por protehá nos famia kontra malesa kousá pa kuminda kontaminá. Tambe e ta papia tokante e promesa ku nos ta haña den Beibel ku ta bisa ku pronto tur hende lo disfrutá di un abundansia di kuminda saludabel.” Lesa Salmo 104:14, 15.