“Stima Henter e Hermandat”

Kasi dos mil aña pasá apòstel Pedro a skirbi e palabranan inspirá di e tema akí. (1 Ped. 2:17) Pero awe nos tin ku apliká nan mas ku nunka. Kon nos por stima algu asina grandi manera un hermandat mundial? I den e mundu djawe sin amor, kon nos por hasi sigur ku nos amor no ta fria? (Mat. 24:12) Wak e DVD Henter Nos Hermandat (na spañó, Toda nuestra asociación de hermanos) i purba di kontestá e siguiente preguntanan.

(1) Na ki momento nos a bira ofisialmente parti di nos hermandat kristian? (2) Menshoná tres aktividat ku henter nos hermandat ta partisipá aden. (3) Kon nos rumannan ta mustra nan determinashon pa prediká (a) den e mondinan poko poblá di Alaska, (b) den e hafnan grandi di Europa i (c) den e selvanan será di Perú? (4) Pakiko nos no mester pensa ku e trabou di prediká ta un trabou komun i koriente? (5) Duna ehèmpel di e maneranan ku Testigunan di Yehova a konsolá i apoyá otro (a) despues di un temblor, (b) despues di un orkan i (c) durante guera sivil? (6) Den ki maneranan práktiko nos tur por demostrá e marka importante ku ta identifiká nos hermandat kristian? (Huan 13:35) (7) Kiko ta e benefisionan di traha huntu pa konstruí nos mes Salònnan di Reino? (8) Kiko a yuda nos rumannan na Ost Europa i Rusia sobrebibí spiritualmente tempu ku e obra tabata prohibí? (9) Ki esfuerso ekstraordinario hopi Testigu ta hasi pa asistí na kongreso, i dikon? (10) Kon e DVD akí a fortalesé bo determinashon (a) pa rindi adorashon na Yehova huntu ku bo rumannan na reunionnan kristian, (b) pa yuda otro den tempu di nesesidat i (c) pa prediká fielmente ki ora ku bo por i na e manera ku bo por? (11) Kon i ki ora nos por usa e DVD akí den sirbishi?

E motibu prinsipal pakiko nos ta parti di nos hermandat kristian ta e amor ku nos tin pa Yehova. Pues, nos gusta siña tokante dje i siña otro hende tokante dje. I nos ta stima e hendenan ku Yehova ta stima. Ora nos yuda nan den tempu di nesesidat, nos no ta ferwagt Dios gradisí nos. Mas bien, nos ta gradisí Dios pasobra nos ta konsiderá nos hermandat kristian komo un regalo balioso di dje. Segun ku e último dianan di e mundu sin amor akí ta yega na su fin, laga nos sigui demostrá ku nos ta stima henter e hermandat.