Dikon Nos Stima Henter Nos Asosiashon di Ruman

Den e mundu djawe sin amor, kon nos por sigui mustra amor intenso pa nos rumannan spiritual? (1 Ped. 2:17) Kon nos por mustra otro hende ku di bèrdat nos tin un hermandat mundial? (Mat. 23:8) Dor di usa e vidio Henter Nos Asosiashon di Ruman. E vidio ta mustra e motibunan dikon nos stima otro. Wak si bo por kontestá e preguntanan aki:

(1) Menshoná tres aktividat ku henter nos hermandat mundial ta partisipá aden. (2) Kon nos rumannan ta mustra nan determinashon pa prediká (a) den e mondinan poko poblá di Alaska, (b) den e hafnan grandi di Europa i (c) den e selvanan di Perú? (3) Kiko ta un hèrmènt sumamente efikas pa usa den predikashon? (4) Pakiko nunka nos no mester sinti ku e trabou di prediká ta un trabou komun i koriente? (5) Duna ehèmpel di e maneranan ku Testigunan di Yehova a konsolá i apoyá otro den tempu di angustia, manera ora di temblor, horkan i guera sivil. (Wak e komentarionan di Takao na página 23 di e Spièrta! [na spañó] di 22 di ougùstùs 1995, i di Kotoyo na página 20 di e Spièrta! [na spañó] di 22 di òktober 1996.) (6) Den ki maneranan práktiko nos tur por demostrá e marka importante ku ta identifiká nos hermandat kristian? (Huan 13:35) (7) Kon importante nos mester konsiderá nos reunionnan di kongregashon? (8) Ora esnan ku ántes no tabatin un Salòn di Reino haña unu pa nan reuní aden, ki efekto esei tin riba nan? (9) Kiko a yuda nos rumannan na Ost Europa i Rusia sobrebibí spiritualmente durante e tempu ku e obra tabata prohibí? (10) Ki esfuerso ekstraordinario hopi Testigu ta hasi awendia pa asistí na kongreso, i dikon? Kon esaki a animá bo? (11) Kiko ta duna bo e determinashon pa rindi adorashon uní ku bo rumannan, i tambe yuda otro den tempu di nesesidat i di prediká fielmente ki ora ku bo por i na e manera ku bo por? (12) Dikon lo ta bon pa bo tin bo propio ehemplar di e vidio aki i mustr’é na mas tantu hende interesá posibel?